11.07.2026 | 19:59
Մի՛ վնասեք ծառերն ու բուսականությունը, մի՛ անհանգստացրեք վայրի կենդանիներին. ՇՄՆ-ի կոչը
«Դու չի Դուք ա»․ վիճաբանություն՝ ԱԺ-ում. ՏԵՍԱՆՅՈՒԹ
Քաղաքականություն
24.06.2019 | 11:58
Ազգային ժողովի «Լուսավոր Հայաստան» խմբակցության ղեկավար Էդմոն Մարուքյանի՝ Քաղավիացիայի պետ Տաթևիկ Ռևազյանին «սիրուն աղջիկ» անվանելը խորհրդարանում այսօր կրքեր բորբոքեց: Նախ՝ իշխանական պատգամավորները Մարուքյանին խորհուրդ տվեցին հիշել, որ ինքը պատգամավոր է և մնալ կլասիկ պատգամավորի դիրքում, ապա «Լուսավոր Հայաստան» խմբակցության պատգամավոր Անի Սամսոնյանն էլ իշխանական պատգամավորներին կոչ արեց ռեպլիկներ չանել Մարուքյանի հնչեցրած առաջարկների հետևից և չնեղվել «սիրուն աղջիկ» ձևակերպումից։
Պատգամավորների վիճաբանությանը միջամտեց ԱԺ փոխնախագահ Ալեն Սիմոնյանը և Անի Սամսոնյանին խորհուրդ տվեց դահլիճում տեղից չարձագանքել և չընդհատել ամբիոնից ելույթ ունեցողների խոսքը։
«Էս ի՞նչ խոսելու ձև ա, խոսում եք ինչ-որ բաներից, ամեն ինչ ստեղից է սկսում, երբ ծաղրում և հեգնում են․ էնքան հեգնեմ սաղին, որ որևիցե մեկին պակաս չթվա։ Պետրոսյան Գևորգը գալիս ստեղից ասում է՝ ավելի լավ է տղեն տղուն կոմպլիմենտ չանի»,- ասաց Սիմոնյանը՝ և տեղից արձագանքող Գևորգ Պետրոսյանին ասաց. «Դու չի, Դուք ա»։
ԱԺ փոխնախագահը նաև հավելեց, որ իրենց կողմից նման երևույթները ստանալու են կոշտ արձագանք։
«Արձագանքը լինելու ա տասնապատիկ ավելի ուժեղ․ այն եղել է, երբ մենք իշխանություն չենք եղել ու որևիցե մեկից չենք վախեցել, իսկ հիմա պատկերացրեք, թե դա ոնց ա լինելու»,- ասաց Սիմոնյանը։
Մանրամասները՝ տեսանյութում։
