16.12.2025 | 17:26
Պեսկովը հայտարարել է, որ Ռուսաստանը ոչ թե ցանկանում է հրադադար, այլ լիարժեք խաղաղություն
Մենք բոլորս ունենք կրթված բարեկամներ, ընկերներ, որոնք կարող են պաշտոններ զբաղեցնել. Գարիկ Սարգսյանը՝ իր մտերիմներին պաշտոնների նշանակելու մասին. ՏԵՍԱՆՅՈՒԹ
Քաղաքականություն
12.06.2019 | 14:18
Մենք բոլորս ունենք կրթված բարեկամներ, հարազատներ, ընկերներ, ովքեր կարող են պաշտոններ զբաղեցնել թե՛ մեր ենթակայութան տակ գործող հիմնարկներում, թե՛ առհասարակ ՀՀ-ում: Նրանք իրենց տեղը պետք է գտնեն, աշխատանք պետք է ունենա։
ԱԺ-ում պատասխանելով Factor.am-ի հարցին՝ ինչո՞ւ է մարզպետարանում աշխատանքի ընդունել իր բարեկամներին, հաշվի առնելով նաև այն, որ վարչապետ Նիկոլ Փաշինյանը հաճախ նշում է՝ այլևս բաջանաղներին պաշտոնի նշանակելու ժամանակներն անցել են, Սարգսյանը պարզաբանեց. «Ինչ վերաբերում է այն հանգամանքին, որ ես պաշտոնի եմ նշանակել իմ հարազատին կամ բերակամին, ասեմ՝ հայեցողական պաշտոն է։ Ունեմ մեկ զարմիկ, ում նշանակել եմ ինձ օգնական, ունեմ ևս մեկ բարեկամ, ում նշանակել եմ ինձ խորհրդական։ Գտել եմ, որ իրենց աշխատանքը կարող է արդյունավետ լինել»,- ասաց մարզպետը:
Նա հավելեց, որ բարեկամներին պաշտոն տալուց առաջ հաշվի է առել նրանց աշխատանքային փորձն ու պրոֆեսիոնալիզմը։
Մանրամասները՝ տեսանյութում։
Շողիկ Գալստյան
