Քաղաքականություն
07.06.2019 | 15:26ԱԺ «Իմ քայլը» խմբակցության ղեկավար Լիլիթ Մակունցը դժվարանում է ասել, թե ինչու արդարադատության նախարար Արտակ Զեյնալյանը հրաժարական տվեց:
Հիշեցնենք՝ այսօր հայտնի դարձավ՝ Արտակ Զեյնալյանը արդարադատության նախարարի պաշտոնից հրաժարականի դիմում է ներկայացրել: Factor.am-ի հարցին՝ իշխանական «Իմ քայլը» խմբակցությունը գո՞հ էր արդյոք նախարարի աշխատանքից, Մակունցն ասաց․ «Արդարադատության նախարարության և պարոն Զեյնալյանի հետ կապված, այո՛, խմբակցությունում որոշակի մտահոգություններ կային առանձին աշխատանքների, դատաիրավական համակարգում բարեփոխումների հետ կապված»։
Լիլիթ Մակունցը նաև փոխանցեց, որ խմբակցության ունեցած մտահոգությունները չեն փոխանցվել կառավարությանը։
Մանրամասները՝ տըեսանյութում։
Շողիկ Գալստյան
