17.11.2024 | 18:22
Երևանում կկայանա աշխարհահռչակ շանսոնյե Շառլ Ազնավուրին նվիրված «Մսյո Ազնավուր» ֆիլմի պրեմիերան
Սևանա լճից 170 խմ ջուր բաց կթողնվի՝ 4 մարզերի 32 հազար հեկտար հողերը ոռոգելու նպատակով․ ՏԵՍԱՆՅՈՒԹ
Քաղաքականություն
06.06.2019 | 11:53
Հունիս 6-ին Կառավարությունը հաստատեց որոշման նախագիծ, ըստ որի, ոռոգման նպատակով 2019 թվականին Սևանա լճից բաց կթողնվի 170 մլն խմ ջուր։
Ըստ տարածքային կառավարման և ենթակառուցվածքների նախարար Սուրեն Պապիկյանի՝ նախագծի անհրաժեշտությունն առաջացել է ՀՀ Արագածոտնի, Արմավիրի, Կոտայքի և Արարատի մարզերի շուրջ 32 հազար հեկտար հողերի ոռոգման ջրապահովման դեֆիցիտը մեղմելու համար։
Սուրեն Պապիկյանը նշեց, որ ոռոգման համակարգն այնպիսի է, որ այս չորս մարզերի որոշ հատվածներ ջրելու համար Սևանա լճից 170 մլն խմ ջուր բաց թողնելը կենսական անհրաժեշտություն է, քանի դեռ նոր ջրամբարներ չեն կառուցվել։
Պապիկյանը նաև հավելեց, որ հետամուտ են լինելու, որպեսզի ամբողջությամբ այդ 170 մլն խմ ջուրը չօգտագործվի, և ավելին՝ հավելյալ ջրառի անհրաժեշտություն չլինի։
Արտակարգ իրավիճակների նախարար Ֆելիքս Ցոլակյանը նախագծի վերաբերյալ նկատեց, որ իրենք ներկայացրել են Սևանա լճից 110 մլն խմ ջուր բաց թողնելու առաջարկ, ինչը, սակայն, չի ընդունվել։
Մանրամասները՝ տեսանյութում։
