16.11.2024 | 22:58
«Մանկական Եվրատեսիլ – 2024»-ում հաղթեց Վրաստանը
Փորձ են անում սադրել, հերոսանալ․ Ալեն Սիմոնյանը՝ Վալերի Օսիպյանին խնդրում է բռնության կոչերի նկատմամբ լինել մաքսիմալ խիստ․ ՏԵՍԱՆՅՈՒԹ
Քաղաքականություն
05.06.2019 | 15:45
Վերջին շրջանում մենք ականատես ենք լինում տարբեր տեսակի բռնության կոչերի, մարդիկ համացանցում իրենց թույլ են տալիս նման կոչեր անել և զբաղված են մի բանով, որը ՀՀ-ին և քաղաքական կառույցին հարիր չէ։
Այս մասին այսօր Ազգային ժողովում 2018 թվականի բյուջեի կատարողականը ներկայացնող ՀՀ ոստիկանապետ Վալերի Օսիպյանին ասաց ԱԺ «Իմ քայլը» խմբակցության պատգամավոր, ԱԺ փոխնախագահ Ալեն Սիմոնյանը։
«Ես Ձեզ խնդրում եմ և հորդորում օրենքի ամենայն խստությամբ վերաբերվել բռնության քարոզին։ ՀՀ-ում բռնությունը տեղ չունի և չի կարող ունենալ»,- ասաց իմքայլական պատգամավորը։
Ի պատասխան՝ Վալերի Օսիպյանը շեշտեց, որ չկա որևէ դեպք, որի վերաբերյալ Ոստիկանության կողմից ուսումնասիրություն չի իրականացվել։
«Ոստիկանության կողմից ուսումնասիրվում է ցանկացած կոչ և քարոզ»,- ասաց ոստիկանապետը՝ նշելով, որ իրենք բոլորի ոստիկաններն են՝ անկախ այս կամ այն մարդու կուսակցական պատկանելությունից։
Սիմոնյանը հավելեց, որ որպես քաղաքական գործիչ, ցանկանում է Ոստիկանության ուշադրությանը հրավիրել այն դեպքերի վրա, երբ փորձում է արվում սադրել, հերոսանալ ու միավորներ հավաքել։ «Խնդրում եմ այդ պարագաներում լինեն մաքսիմալ խիստ, քանի որ այդ պարագաները վերաբերում են քաղաքական և ինչու չէ երկրի անվտանգության հարցերին»,- նկատեց նա։
Մանրամասները՝ տեսանյութում։
