Երևանում մարզահամալիրի սեփականության իրավունքի գրանցումն անօրինական է ճանաչվել․ Դատախազությունը պահանջում է գույքը վերադարձնել պետությանը

Լուրեր

16.11.2026 | 09:30
Վահան Բիչախչյանը «Լեգիայի» կազմում գոլ է խփել երկրորդ խաղում անընդմեջ. ՏԵՍԱՆՅՈՒԹ
15.11.2026 | 22:05
Եղիշե Մելիքյանն ամփոփել է Ազգերի լիգայի վերջին խաղը. ՏԵՍԱՆՅՈՒԹ
15.11.2026 | 21:49
Փաշինյանը Կամբոջայում մասնակցել է Ֆրանկոֆոնիայի գագաթնաժողովի մասնակիցների պատվին տրված ընթրիքին
15.11.2026 | 20:27
Էստոնիան դեկտեմբերի 1-ից կփակի Ռուսաստանի հետ սահմանային բոլոր անցակետերը
15.11.2026 | 20:00
Թանկ շենքեր, էժանագին կառավարում․ ո՞ւր են գնում բնակիչների փողերը․ ՏԵՍԱՆՅՈւԹ
15.11.2026 | 19:53
Ազգերի լիգա. Հայաստանի հավաքականը ոչ-ոքիով ավարտեց պայքարը
15.11.2026 | 19:45
Nvidia-ի նախկին ղեկավար Ջենսեն Հուանգը սկանդալի հետևանքով կորցրել է 62 միլիարդ դոլար
15.11.2026 | 19:16
Փաշինյանը Կամբոջայում այցելել է Ֆրանկոֆոնիայի ավանում բացված Հայաստանի տաղավար
15.11.2026 | 18:56
Սևանում սիգի որսի արգելքի խախտման համար նախատեսված է վարչական և քրեական պատասխանատվություն
15.11.2026 | 17:56
Փաշինյանը Ֆրանկոֆոնիայի գագաթնաժողովում խոսել է հայ-ադրբեջանական խաղաղության գործընթացից
15.11.2026 | 17:19
Փաշինյանն ու Մոլդովայի վարչապետը քննարկել են Երևան-Քիշնև ուղիղ ավիաչվերթների կազմակերպման հարցը
15.11.2026 | 17:03
Էդգար Սևիկյանը լքել է Հայաստանի հավաքականի ճամբարը և հանդիպման է մասնակցում «Սուետայի» կազմում
15.11.2026 | 16:47
Ազգերի լիգա. Հայաստանի հավաքականի մեկնարկային կազմը Լատվիայի դեմ խաղում
15.11.2026 | 16:36
Դատավորների նկատմամբ քրեական հետապնդում է հարուցվել
15.11.2026 | 16:16
Նոյեմբերի 20-ից Սևանա լճում կարգելվի սիգի արդյունագործական որսը
Բոլորը

Վարչական դատարանը բավարարել է Գլխավոր դատախազության հայցը՝ ոչ իրավաչափ ճանաչելով Երևանի Ցախի փողոցի 18 հասցեում գտնվող 1614,1 քմ մակերեսով մարզահամալիրի նկատմամբ «Հայաստան» մարզական միություն հասարակական կազմակերպության սեփականության իրավունքի՝ 1999 թվականին կատարված պետական գրանցումը։ Դատարանն արձանագրել է, որ գրանցման հիմքում դրված փաստաթուղթը բավարար չէր կազմակերպության սեփականության իրավունքը հաստատելու համար։ Դատախազությունը նախատեսում է միջոցներ ձեռնարկել գույքը պետությանը վերադարձնելու ուղղությամբ։ Մարզահամալիրի հետագա օտարումներն անվավեր ճանաչելու վերաբերյալ մեկ այլ հայց ևս քննվում է դատարանում։

Գլխավոր դատախազության հաղորդագրությունը՝ ստորև․

«Գլխավոր դատախազությունը 2024 թվականի նոյեմբերի 8-ին հայցադիմում էր ներկայացրել Վարչական դատարան՝ ընդդեմ Կադաստրի կոմիտեի՝ Երևան քաղաքի Ցախի 18 հասցեում գտնվող՝ 1614,1 քմ մակերեսով մարզահամալիրի նկատմամբ ««Հայաստան» մարզական միություն» հասարակական կազմակերպության սեփականության իրավունքի՝ 1999 թվականի դեկտեմբերի 29-ի պետական գրանցումը ոչ իրավաչափ ճանաչելու պահանջով:

Վարչական դատարանը 2026 թվականի հոկտեմբերի 7-ի վճռով բավարարել է Գլխավոր դատախազության հայցը և արձանագրել, որ Երևան քաղաքի Ցախի փողոցի 18 հասցեում գտնվող անշարժ գույքի նկատմամբ ««Հայաստան» մարզական միություն» հասարակական կազմակերպության սեփականության իրավունքի գրանցման համար հիմք է հանդիսացել Ժողովրդական դեպուտատների Երևանի քաղաքային խորհրդի գործադիր կոմիտեի 1991 թվականի հուլիսի 10-ի թիվ 11/27 որոշումը, մինչդեռ այն չէր կարող դիտվել որպես անշարժ գույքի նկատմամբ վերոնշյալ հասարակական կազմակերպության սեփականության իրավունքի ծագումը հավաստող անհրաժեշտ և բավարար փաստաթուղթ, քանի որ որոշումը վերաբերում է ՀՀ արհմիությունների կամավոր ֆիզկուլտուրայի մարզական ընկերության Երևանի քաղաքային խորհրդի մարզասրահի տարածքի սահմանների ճշտմանը և մարզասրահին կից՝ հարավային կողմից նոր մարզական մասնաշենքի շինարարության թույլտվությանը: Հետևապես, մարզահամալիրի նկատմամբ ««Հայաստան» մարզական միություն» հասարակական կազմակերպության սեփականության իրավունքի պետական գրանցումը ոչ իրավաչափ է։

Դատական այս ակտի հիման վրա՝ Գլխավոր դատախազությունը, պետական շահերի պաշտպանության հայց հարուցելու լիազորության շրջանակում, անշարժ գույքը պետությանը վերադարձնելու նպատակով միջոցներ կձեռնարկի։

Հիշեցնենք, որ ներկայում Վարչական դատարանում քննվում է Գլխավոր դատախազության կողմից ներկայացված ևս մեկ հայցադիմում՝ վերոնշյալ մարզահամալիրի հետագա օտարումներն ու դրանց պետական գրանցումներն անվավեր ճանաչելու և գույքը պետությանը վերադարձնելու պահանջներով»: