02.07.2026 | 10:25
Ուրսուլա ֆոն դեր Լայենը ժամանեց Երևան
Հովհ․ Հովհաննիսյանը Մարուքյանի՝ ԵՊՀ-ում և Ագրարային համալսարանում ունեցած հետաքրքրությունների մասին․ ՏԵՍԱՆՅՈՒԹ
Քաղաքականություն
31.05.2019 | 11:09
Ազգային ժողովի «Իմ քայլը» խմբակցության պատգամավոր Հովհաննես Հովհաննիսյանն անդրադարձավ պատգամավոր Էդմոն Մարուքյանի այն քննդատություններին, որ հանրապետականների օրինակով իշխող ուժը քաղաքականացնում է բուհերը՝ սեփական թիմակիցներին մտցնելով բուհական խորհուրդների կազմ։
«ԵՊՀ-ի խորհրդի նախագահը կուսակցական չէ, բժշկական համալսարանինը կուսակցական չէ, Պոլիտեխնիկի խորհրդի նախագահը ևս կուսակցական չէ, Ճարտարապետաշինարարական համալսարանինը՝ կուսակցական չէ, Շիրակի պետական համալսարանինը՝ ևս, այնպես որ սա չտեսնել և ասել, որ ՀՀԿ-ի նույն գործն ենք անում, սա, կներեք, անբարոյականություն է»,- ասաց Հովհաննիսյանը՝ նշելով, որ Էդմոն Մարուքյանի ուշադրության կենտրոնում են հայտնվել ԵՊՀ-ն և Ագրարային համալսարանը, քանի որ նա այնտեղ ունի հետաքրքրություններ։
«Իմ քայլի» պատգամավորի խոսքով՝ բուհերը ապաքաղաքականացնելու հացերը վերջնականապես լուծելու համար մշակվում է օրենքի նախագիծ, որը կնպաստի բուհերի ինքնավարության բարձրացմանը, ուստի կոչ է անում էդմոն Մարուքյանին ԱԺ ամբիոնից խոսել լուրջ հարցերի մասին։
«Միշտ պատրաստ ենք խոսելու և քննարկելու, բայց եկեք քննարկենք լուրջ հարցեր նույն այս օրենքի, ինքնավարության հետ կապված, ոչ թե էստեղ իրար մեղադրեն՝ «լսըմես», կամ «տենըմես»-ի մեջ․ դա ոճ չի խոսելու»,- ասաց Հովհաննիսյանը։
Մանրամասները՝ տեսանյութում:
