02.09.2026 | 23:08
31 տեսախցիկ, 48 նոր ավտոմեքենա և ուսումնաարտադրական կենտրոններ․ Սրբուհի Գալյանը ներկայացրել է բարեփոխումները
«Ցավում եմ, որ իմ անունը հեղափոխության ու հակահեղափոխության հետ են կապում». ԵՊՀ ռեկտորի թեկնածու. ՏԵՍԱՆՅՈՒԹ
Քաղաքականություն
30.05.2019 | 16:33
Ինձ համար շատ ցավալի է, որ իմ անունը կապում են հեղափոխության և հակահեղափոխության հետ: Երևանի պետհամալսարանի հոգաբարձուների խորհրդի նիստի ժամանակ ասաց բուհի ռեկտորի թեկնածու Գեղամ Գևորգյանը:
«Ես տարիներ շարունակ աշխատել, ծառայել եմ կրթությանն ու գիտությանը, և բացարձակ չեմ ամաչում այն կադրերից, որ պարբերաբար ցուցադրվում է կայքերով, թե ինչպես եմ ես դիմավորել Նիկոլ Փաշինյանին, Արարատ Միրզոյանին և Արայիկ Հարությունյանին: Եվ ինձ համար առավել ցավալի է, որ այդ մասին դատողություններ են անում մարդիկ, որոնք այդ ժամանակ երկու դռան հետևում փակված դողացնում էին, չգիտեին՝ ինչ անեն»,- հայտարարեց Գեղամ Գևորգյանը:
Ռեկտորի թեկնածուն նաև հավելեց, որ իր համար անտրամաբանական է հիմա խոսել ծրագրային ելույթի մասին այն պարագայում, երբ երեք ամիս լինելու է քննաշրջան և արձակուրդ:
«Ինչպես եմ ինձ դրսևորել որպես ադմինիստրատոր՝ դուք շատ լավ գիտեք, ովքեր համալսարանում են, իսկ ովքեր համալսարանում չեն եղել, կարող էին այս ընթացքում հետաքրքրվեց»,- ասաց Գևորգյանը:
Մանրամասները՝ տեսանյութում:
Նելլի Մելքոնյան
