14.12.2025 | 11:03
Փաշինյանը պատարագի է մասնակցում Այգեշատի Սուրբ Գևորգ եկեղեցում․ ՈՒՂԻՂ
ՀՅԴ Բյուրոյի հայտարարությունը՝ Հրանտ Մարգարյանի ու Ռոբերտ Քոչարյանի ազատ արձակման դեմ բողոքող քաղաքացիների միջև տեղի ունեցած միջադեպի առնչությամբ
Քաղաքականություն
19.05.2019 | 10:35
ՀՅԴ Բյուրոն հայտարարություն է տարածել մայիսի 18-ին Ազատության հրապարակում ՀՅԴ Բյուրոյի նախկին ներկայացուցիչ Հրանտ Մարգարյանի ու ՀՀ երկրորդ նախագահ Քոբերտ Քոչարյանի ազատ արձակման դեմ բողոքող քաղաքացիների միջև տեղի ունեցած միջադեպի առնչությամբ: Հայտարարության մեջ մասնավորապես ասված է.
«Ամիսներ շարունակ Դաշնակցությունն ահազանգում էր, որ երկրում սերմանվող ու խրախուսվող քաղաքական անհանդուրժողականությունն անխուսափելիորեն հանգեցնելու է պառակտումների ու ատելության։ Ցավոք, դա այլևս իրողություն է։ Ժողովրդի տարբեր հատվածներին իրար դեմ լարելու, հասարակությունը «սևերի» ու «սպիտակների», յուրայինների ու թշնամիների բաժանելու իշխանությունների քաղաքականությունն արդեն գործնական դրսևորումներ է ստանում»,- ասված է հայտարարությունում:
Ապա նշվում է, որ ՀՅԴ Բյուրոյի ներկայացուցիչ Հրանտ Մարգարյանն իր մանկահասակ թոռների հետ Ազատության հրապարակում զբոսնելիս հարձակման է ենթարկվել Քոչարյանի ազատ արձակման դեմ բողոքի ակցիա իրականացնող ժողովրդի կողմից։
«Պահանջում ենք երկրի իշխանություններից և իրավապահ մարմիններից ամենակարճ ժամկետում գնահատական տալ կատարվածին, օրենքի ամբողջ խստությամբ պատժել մեղավորներին և ընդմիշտ վերջ տալ նման գործելաոճին»,- նշված է տարածված հայտարարությունում:
Հիշեցնենք, որ մայիսի 18-ին Ազատության հրապարակում ՀՀ երկրորդ նախագահ Ռոբերտ Քոչարյանին կալանքից ազատելու դատարանի որոշման դեմ բողոքող ցուցարարների և ՀՅԴ-ական Հրանտ Մարգարյանի միջև միջադեպ է տեղի ունեցել:
Ակտիվիստ Ջիվան Աբրահամյանի խոսքով՝ Հրանտ Մարգարյանի աջակիցը սեռական բնույթի հայհոյանքներ է հնչեցրել Քոչարյանի ազատ արձակման դեմ բողոքող կնոջ հասցեին, որից հետո էլ ընդդեմ Քոչարյանի բողոքի ակցիա անողները քաշքշել են դաշնակցականներին և Հրանտ Մարգարյանին:
