18.12.2025 | 15:46
Ենթադրենք՝ բռնի ուժով կաթողիկոսին հեռացրին Մայր աթոռից, հետո՞․ սա խայտառակություն է աշխարհի առաջ․ Դավիթ Շահնազարյան․ ՏԵՍԱՆՅՈՒԹ
Միֆ է, որ «Ֆանարջյանի անվան ուռուցքաբանության» և «Ճառագայթային բժշկության և այրվածքների» կենտրոնները բարձրակարգ սպասարկում են իրականացնում․ Զոհրաբյան․ ՏԵՍԱՆՅՈՒԹ
Քաղաքականություն
08.05.2019 | 15:23
Ազգային ժողովի մայիսի 8-ի նիստում քննարկվում է «Պետական գույքի մասնավորեցման 2017-2020 թվականների ծրագրի մասին» օրենքում փոփոխություններ կատարելու մասին հարցը։
Նախագծի անհրաժեշտությունը պայմանավորված է պետական գույքի մասնավորեցման 2017-2020 թթ. ծրագրում ընդգրկված` առողջապահության բնագավառում գործունեություն ծավալող 2 կազմակերպությունների` հետագայում ևս որպես պետական ընկերություն գործելու անհրաժեշտությամբ:
Նշենք, որ խոսքը վերաբերում է «Ֆանարջյանի անվան ուռուցքաբանության ազգային կենտրոն» և «Ճառագայթային բժշկության և այրվածքների գիտական կենտրոն» փակ բաժնետիրական ընկերություններին, որոնք չեն մասնավորեցվի։
ԱԺ «ԲարգավաՃ Հայաստան» խմբակցության պատգամավոր Նաիրա Զոհրաբյանը նշեց, որ և «Ֆանարջյանի անվան ուռուցքաբանության ազգային կենտրոնը» և «Ճառագայթային բժշկության և այրվածքների գիտական կենտրոնը» գտնվում են ողբերգական վիճակում, որպես պետական հիվանդանոցներ։
«Միֆ է, որ այդ երկու հիվանդանոցներում կա բարձրակարգ սպասարկում։ Այդ չնչին գումարներով հնարավոր չէ հիվանդին չասել, որ ճիշտ է քիմիաթերապիան անվճար է, բայց այն չես կարող ստանալ, եթե գումար չբերես։ Ես կողմ եմ այդ երկու ռազմավարական նշանակության հաստատությունները լինեն մասնավորեցման ցուցակում, իսկ արդյոք պետությունը լրացուցիչ գումարներ կհատկացնի՞ այդ հիվանդանոցների արդիականացման համար»,- դիմելով նախագծի հիմնական զեկուցող Արսեն Թորոսյանին ասաց պատգամավորը։
Հարցին ի պատասխան նախարարը նշեց, որ այս տարի այդ կենտրոնների պետպատվերը ավելացել է 400 մլն դրամով, իսկ ինչ վերաբերում է անվճար քիմիաթերապիա լինել-չլինելուն, ապա, ըստ նախարարի, գործում է համավճարի սկզբունք, որին կավելանա նաև պետությունից այդ նպատակով միջոցների ներգրավումը։
Մանրամասները՝ տեսանյութում։
