17.05.2026 | 17:37
«Բարգավաճ Հայաստան» կուսակցության քայլերթը էրեբունիում․ ՈւՂԻՂ
Իմ պաշտոնից հեռանալը ևս պիտի լինի ժողովրդի ազատ կամարտահայտման միջոցով․ վարչապետ. ՏԵՍԱՆՅՈՒԹ
Քաղաքականություն
08.05.2019 | 13:58
Վարչապետ Նիկոլ Փաշինյանը Հայաստանում քաղաքական գործունեությամբ զբաղվող կամ նման մտադրություն ունեցող ցանկացած քաղաքացու իրեն մրցակից է համարում: Այս մասին նա ասաց այսօր հրավիրած մամուլի ասուլիսում՝ պատասխանելով լրագրողի հարցին:
«Հայաստանում բոլորն էլ ինձ մրցակից են, և բոլորին վերաբերվում եմ մեծ հարգանքով: Ինչու, որովհետև այդ մարդիկ պետք է օգնեն, որպեսզի ես իրականացնեմ իմ հայտարարած ամենակարևոր քաղաքական առաքելությունը, այն է՝ ինչպես ես ազատ, արդար, ժողովրդավարական ընտրություններով ընտրվել եմ վարչապետ, այնպես էլ նման ընտրություններով հեռանամ վարչապետի պաշտոնից: Ես նախկինում բազմիցս ասել եմ, որ դա համարում եմ իմ ամենամեծ քաղաքական առաքելությունը: Ինչպես իմ գալն է եղել ժողովրդի ազատ կամարտահայտման միջոցով, այնպես էլ իմ հեռանալը պետք է լինի ժողովրդի ազատ կամարտահայտման միջոցով»,- ասաց Նիկոլ Փաշինյանը:
Մանրամասները՝ տեսանյութում:
Ռոբերտ Անանյան
