18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Նախկին իշխանությունը ԱԱԾ-ում կարևոր նյութեր է ոչնչացրել, դա հանցագործություն է․ Փաշինյան. ՏԵՍԱՆՅՈՒԹ
Քաղաքականություն
08.05.2019 | 12:30
ԱԱԾ-ում արդեն մի քանի ամիս է՝ ծառայողական քննություն է ընթանում, որովհետև նախորդ իշխանությունները, ըստ ծառայողական նյութերի, հեղափոխությունից որոշ ժամանակ առաջ ԱԱԾ նյութեր են ոչնչացրել: Այսօր՝ մայիսի 8-ին հրավիրված ասուլիսում հայտնեց ՀՀ վարչապետ Նիկոլ Փաշինյանը:
«Հիմա ծառայողական քննություն է ընթանում այդ կապակցությամբ: Ես չեմ ուզում ասել՝ ինչ արդյունքի կբերի, բայց, այո՛, կարող եմ ասել, որ նախկին իշխանությունները հեռանալուց առաջ նյութեր են ոչնչացրել ԱԱԾ-ում: Ես իրավաբան չեմ, բայց իմ քաղաքական գնահատականն այն է, որ դա հանցագործություն է»,- ասաց վարչապետը:
Հարցին, թե ո՞վ կարող է վերահսկել Ազգային անվտանգության ծառայությանը, վարչապետը պատասխանեց՝ բոլորը:
«Ես ԱԺ-ում երկար ժամանակ ասել եմ՝ ինչո՞ւ ԱԱԾ տնօրենը չի գալիս բյուջեի կատարման հաշվետվության, բյուջեի նախագծի ներկայացման, նաև Ոստիկանության պետը, Երևանի քաղաքապետը: Հիմա և՛ ԱԱԾ պետը, և՛ ոսստիկանապետը մի քանի անգամ արդեն եղել են Ազգային ժողովում»,- հավելեց Նիկոլ Փաշինյանը:
Մանրամասները՝ տեսանյութում:
Ռոբերտ Անանյան
