03.09.2026 | 15:30
Հայաստանի լրագրողների ֆուտբոլի հավաքականը կմասնակցի Եվրոպայի առաջնությանը, որի գործող չեմպիոնն է
Հ1-ում իշխող ուժն առավելություն ունի մյուս ուժերի՝ այդ թվում՝ ԼՀԿ-ի նկատմամբ․ Արման Բաբաջանյան․ ՏԵՍԱՆՅՈՒԹ
Քաղաքականություն
22.04.2019 | 18:16
Ազգային ժողովի «Լուսավոր Հայաստան» խմբակցության պատգամավոր Արման Բաբաջանյանի խոսքով՝ Հանրային հեռուստաընկերությունում քաղաքական բոլոր ուժերի համամասնություն պահպանված չէ։
«Մենք կարծում ենք, որ իշխող ուժը մեծ առավելություն ունի մյուս քաղաքական ուժերի՝ առավել ևս՝ մեր քաղաքական ուժի նկատմամբ»,- այսօր խորհրդարանում՝ դիմելով Հեռուստատեսության և ռադիոյի հանձնաժողովի նախագահ Տիգրան Հակոբյանին, ասաց պատգամավորը։
Ի պատասխան՝ Տիգրան Հակոբյանը նշեց, որ չի մտածում այդ խնդրի մասին, քանի որ հարցի հասցեատերը Հանրային ՀԸ-ն է։
«Հարցը ուղղեք Հ1-ին։ Որքան ես հիշում եմ անգամ օրենքում Հ1-ի վերաբերյալ դրույթներում շատ աղոտ են ներկայացված անաչառության դրվագները։ Այստեղ, կարծում եմ, անելիք ունի Ազգային ժողովը, որպեսզի մշակի չափորոշիչներ ապացուցելու կամ հերքելու համար այդ անաչառության հանգամանքները, իսկ այժմ մեթոդաբանություն և օրենքի պահանջ չկա։ ԱԺ-ն այդ գործառույթը կարող է պատվիրակել նաև որևէ այլ կազմակերպության՝ այդ թվում և մեզ»,- ասաց Հակոբյանը։
Մանրամասները՝ տեսանյութում։
Աղավնի Սուքիասյան
