02.07.2026 | 14:43
Իրանը զգուշացնում է ԱՄՆ-ին և Իսրայելին Խամենեիի հուղարկավորության արարողությունից առաջ հարձակումների դեմ
Մի՛ փորձեք մեր հանրությանը դարձնել ամբոխ, սոցցանցերում զոմբիական հրահանգներ տալ․ Նաիրա Զոհրաբյան․ ՏԵՍԱՆՅՈՒԹ
Քաղաքականություն
16.04.2019 | 11:37
Ազգային ժողովն այսօր դեմ քվեարկեց «Բարգավաճ Հայաստան» խմբակցության ներկայացրած «Զինվորական ծառայության և զինծառայողի կարգավիճակի մասին» և «Վարչական իրավախախտումների վերաբերյալ» օրենքներում լրացումներ և փոփոխություններ կատարելու մասին նախագծերն ԱԺ լիագումար նիստում ընդգրկելու առաջարկը։
Սրա վերաբերյալ ԱԺ ԲՀԿ խմբակցության պատգամավոր Նաիրա Զոհրաբյանը նշեց, որ քաղաքական մեծամասնությանը բարեկամաբար խորհուրդ է տալիս վեր կանգնել հին մեթոդներից, քանի որ կարծում է, որ նրանք պետք է բերեն նոր Հայաստանի նոր շունչը։
«Երբ ինչ-որ առարկություն ենք բերում, ճտոցով հրահանգում եք սոցիալական ցանցերին, թե՝ վայ, հեղափոխության դեմ պայքար է սկսվել։ Հարգելինե՛րս, մենք չենք պայքարում հեղափոխության դեմ, հեղափոխությունը միայն ձերը չէ և մի փորձեք այն սեփականաշնորհել։ Մի՛ փորձեք մեր հանրությանը դարձնել ամբոխ, սոցիալական ցանցերում զոմբիական հրահանգներ տալ, որ զոմբիի նման հարձակվեն։ Ի՞նչ ենք ասում՝ ասում ենք՝ եկեք քննարկենք, սա այն հարթակն է, որտեղ պետք է քննարկենք, բայց այսպես դակել ու գնալ առաջ… ինձ մոտ առաջացնում են շատ վատ հիշողություններ ձեր և մեր կողմից այդքան դատապարտված անցյալից»,- ասաց ԲՀԿ-ական պատգամավորը։
Մանրամասները՝ տեսանյութում։
Աղավնի Սուքիասյան
