19.10.2026 | 23:33
Հայտնաբերվել է 431 ոչ սթափ վարորդ․ պարեկների անցած շաբաթվա ծառայության արդյունքները
Օֆշորային գոտիներում գրանցված ընկերություններին պետք է արգելվի ԶԼՄ-ի սեփականատեր դառնալ․ Բորիս Նավասարդյան․ ՏԵՍԱՆՅՈՒԹ
Քաղաքականություն
15.04.2019 | 12:48
«Հեռուստատեսության և ռադիոյի մասին ՀՀ-ի օրենքում կա դրույթ, որով արգելվում է ունենալ երկու հեռուստաալիք կամ ռադիոալիք նույն սփռման գոտում, իսկ երբ մենք չգիտենք, թե ո՞վ է այդ հեռուստաալիքի իրական սեփականատերը, ապա հարց է առաջանում, թե ինչպե՞ս է կիրառվելու օրենքի այս դրույթը»,- այսօր «Լրատվամիջոցների իրական սեփականատերերի թափանցիկության խնդիրը Հայաստանում» թեմայով քննարկման ժամանակ նման մտահոգություն հայտնեց Երևանի մամուլի ակումբի նախագահ Բորիս Նավասարդյանը:
«Մենք ունենք լրատվամիջոցներ, որոնց հիմնադիրների մեջ կան օֆշորային գոտիներում գրանցված ընկերություններ, իսկ եթե մենք չենք կարողանում գտնել այդ գոտիներում գրանցված սեփականատերերին, ապա ի՞նչ պետք է անենք․ կարծում եմ՝ մենք պետք է Վրաստանի նման օրենքով արգելենք օֆշորային գոտիներում գրանցված ընկերությունների կողմից լրատվամիջոցների հիմնադրումը։ Հայաստանը ԵՄ-ի հետ ունի պարտավորություն նաև ապահովելու աշխատակիցների աշխատանքային իրավունքները, սակայն մի ոլորտում, որտեղ շրջանառվում են հսկայական սև փողեր և շատ լրագրողներ վճարվում են ծրարներով, ինչպե՞ս կարող ենք ապահովել այդ պարտավորությունը՝ այն է լրագրողների աշխատանքային իրավունքները»,- ասաց Նավասարդյանը՝ նշելով, որ ինչպես այս, այնպես էլ առկա այլ խնդիրների կարգավորման համար անհրաժեշտ է ներկայացնել օրենսդրական փաթեթ, որի համար ունենք ընդամենը 1-2 տարի ժամանակ։
Մանրամասները՝ տեսանյութում։
Աղավնի Սուքիասյան
