03.04.2026 | 15:19
«Չելսին» առանցքային ֆուտբոլիստին 2 խաղով հեռացրել է՝ «Ռեալի» մասին հայտարարությունից հետո
Արման Եղոյանը կղեկավարի Հայաստան-Կանադա եւ Հայաստան-Շվեյցարիա բարեկամական խմբերը
Քաղաքականություն
13.04.2019 | 18:20
ՀՀ ԱԺ եվրոպական ինտեգրման հարցերի մշտական հանձնաժողովի նախագահ Արման Եղոյանն իր ֆեյսբուքյան էջում գրառում է կատարել և հայտնել, որ Ազգային Ժողովի խորհրդի որոշմամբ ղեկավարելու է Հայաստան-Կանադա և Հայաստան-Շվեյցարիա բարեկամական խմբերը:
Նա, մասնավորապես, նշել է.
«Պատիվ ունեմ հայտնել, որ Ազգային Ժողովի խորհրդի որոշմամբ ղեկավարելու եմ Հայաստան-Կանադա եւ Հայաստան-Շվեյցարիա բարեկամական խմբերը։ Ուժեղ խորհրդարանական ավանդույթներով այս երկու «լրիվ ժողովրդավարություններ»-ի եւ «ազատ տնտեսություններ»-ի հետ ունենք համագործակցության՝ դեռեւս ամբողջությամբ չօգտագերծված ներուժ։
Էգալիտարիզմը, ներառականությունը, պետական-մասնավոր սերտ համագործակցությունն ու սոցիալական արդարության ձգտումը կանադական քաղաքական մշակույթի ուսանելի տարրերն են:
Ուղիղ ժողովրդավարությունը, ուժեղ տեղական ինքնակառավարումը եւ ընդդիմության բացակայությունը, այո, այո, ընդդիմության բացակայությունը շվեյցարական քաղաքական համակարգի բնորոշիչ տարրերն են: Ուշադրության է արժանի նաեւ Շվեյցարիայի զինված ուժերի ունիկալ կառուցվածքն ու դրա դերը արդեն երկու հարյուրամյակ տեւող շվեյցարական խաղաղության մեջ:
