15.12.2025 | 22:39
Էրդողանը հայտարարել է, թե 44-օրյա պատերազմի ժամանակ «երկրի թշնամիները Թուրքիային մեղադրում էին Ադրբեջանին աջակցելու մեջ»
Ծնոտին առաջին հակահարված ստացողը հայտնի է. ներողությունով հարց չի լուծվելու, ախորժակներ են փակվելու. ՏԵՍԱՆՅՈՒԹ
Քաղաքականություն
04.04.2019 | 14:22
Վարչապետ Նիկոլ Փաշինյանն այսօր գործադիրի նիստում անդրադարձավ Հայաստանում ճանապարհաշինարարական ընկերությունների կառուցած ճանապարհների որակին։
«Նախորդ տարվա ճանապարհաշինարարության փորձից մենք տեսնում ենք, որ կան ճանապարհների ամբողջական կտորներ, որոնք վերանորոգել են մեր հայտարարած մրցույթներում հաղթած ընկերություններ։ Նրանք, սակայն, իրականացրել են անորակ աշխատանք: Իսկ ովքե՞ր են այդ ընկերությունների սեփականատերերը. դրանք նախկին բարձրաստիճան պաշտոնյաներ են, որոնք, իրենց հին սովորությունների համաձայն, մտածում են, որ նոր պայմաններում կարող են անորակ ճանապարհ կառուցել և դա տենց անցնի՝ գնա»,- ասաց վարչապետը։
Ըստ նրա՝ խոսքը վերաբերում է Նոյեմբերյան-Ոսկեպար ճանապարհահատվածին, որը չի ընդունվել՝ դրա բացարձակ անորակ լինելու պատճառով։
«Պարտավորեցրել ենք այդ մարդկանց նորից ճանապարհի կառուցման աշխատանքներ իրականացնել, բայց ես բացարձակապես բավարարված չեմ այդ աշխատանքներով»,- ասաց Փաշինյանը՝ հավելելով. «Վատ ճանապարհ կառուցած այդ մարդիկ պետք է պատժվեն, նրանք սերմացու գողացող մկան տրամաբանությամբ աշխատող մարդիկ են և, հետևաբար, բավարար չէ, որ նույն աշխատանքը նորից կատարեն: Նրանք պետք է մեր հակահարվածը զգան»։
Փաշինյանը նաև շեշտեց, որ ճանապարհները ՀՀ-ում երկար տարիներ եղել են փող ուտելու թիվ մեկ տեղը, ոմանց ախորժակը չի փակվել, ուստի իրենք պետք է ոմանց ախորժակները փակեն, և հարցը ներողությունով չի լուծվի։
Մանրամասները՝ տեսանյութում։
Աղավնի Սուքիասյան
