Քաղաքականություն
02.04.2019 | 20:20
Երևանի քաղաքապետարանի լրատվական ծառայությունը տարածել է հաղորդագրություն, որում ասված է, որ Երևանի քաղաքապետ Հայկ Մարությանն այսօր այցելել է «Եռաբլուր» զինվորական պանթեոն:
Հաղորդագրության մեջ ասված է․
«Երևանի քաղաքապետ Հայկ Մարությանը քաղաքապետի տեղակալներ Հրաչյա Սարգսյանի և Սերգեյ Հարությունյանի հետ այցելել է «Եռաբլուր» զինվորական պանթեոն:
Քաղաքապետը ծաղիկներ է խոնարհել 2016-ի ապրիլյան պատերազմի ընթացքում Հայրենիքի սահմանների պաշտպանության ժամանակ անձնվիրաբար զոհված հերոսների, ինչպես նաև սպարապետ Վազգեն Սարգսյանի, զորավար Անդրանիկ Օզանյանի շիրիմներին և զոհված ազատամարտիկների հիշատակը հավերժացնող հուշահամալիրին»:
