19.10.2026 | 23:33
Հայտնաբերվել է 431 ոչ սթափ վարորդ․ պարեկների անցած շաբաթվա ծառայության արդյունքները
Եթե այլ հայտարարություն աներ, ես նրան կազատեի պաշտպանության նախարարի պաշտոնից. Նիկոլ Փաշինյանը՝ Դավիթ Տոնոյանի հայտարարության մասին. ՏԵՍԱՆՅՈՒԹ
Քաղաքականություն
02.04.2019 | 11:00
Բանակցային խաղաղ գործընթացը պետք է շարունակվի, բայց պետք է հասկանանք նաև, որ քանի դեռ հակամարտությունը կարգավորված չէ, մենք՝ որպես պետություն և ժողովուրդ, պետք է պատրաստ լինենք ցանկացած զարգացման: Ապրիլի 2-ին Եռաբլուրում լրագրողների հետ զրույցում ասաց ՀՀ վարչապետ Նիկոլ Փաշինյանը:
Անդրադառնալով պաշտպանության նախարար Դավիթ Տոնոյանի հայտարարության մասին հարցին՝ վարչապետն ընդգծեց, որ դրա շուրջ աղմուկն անիմաստ է:
«Ճիշտն ասած, եթե Դավիթ Տոնոյանն այլ հայտարարություն աներ, ես նրան կազատեի պաշտպանության նախարարի պաշտոնից: Ի՞նչ է ասել նա. ասել է՝ եթե պատերազմ լինի, մեր ձգտումը լինելու է՝ հաղթել այդ պատերազմում: Եթե պաշտպանության նախարարը որևէ այլ բան մտածի, նա պետք է պաշտպանության նախարար չաշխատի»,- ասաց Փաշինյանը:
Նրա համոզմամբ՝ սա որևէ կերպ ստվեր չի գցում կարգավորման խաղաղ գործընթացի վրա. «Հակառակը, շեշտում է խաղաղ կարգավորման գործընթացի կարևորությունը»:
Մանրամասները՝ տեսանյութում:
Լիլիթ Շաբոյան
