03.09.2026 | 23:17
Հայտնի են Ֆրանսիայի դեսպանատան ընդունելությունից հետո գրանցված թունավորման հնարավոր պատճառները. ՍԱՏՄ-ն մանրամասնել է
Արդեն 5 ժամ է՝ Ստեփանակերտում ընթանում է ՀՀ եւ Արցախի Անվտանգության խորհուրդների նիստը
Քաղաքականություն
12.03.2019 | 14:35
Ստեփանակերտում աշխատող Factor.am֊ի լրագրողի հարցին ի պատասխան Հայաստանի Անվտանգության խորհրդի քարտուղարի մամուլի խոսնակ Արեգ Քոչինյանն ասաց՝ դեռ պարզ չէ, թե երբ է ավարտվելու նիստը։
Տեղեկություններին, որ Արցախի անվտանգության խորհրդի բոլոր անդամները չեն մասնակցում նիստին, Արեգ Քոչինյանն արձագանքեց, որ այդ հարցերի պատասխանը պարզ կլինի նիստից հետո տարածվող հաղորդագրությունից։
Իսկ Արցախի նախագահի խորհրդական Դավիթ Բաբայանը Factor.am-ի հետ զրույցում հայտնեց, որ Արցախի անվտանգության խորհրդի քարտուղար Վիտալի Բալասանյանը մասնակցում է նիստին։
Հավելենք, որ ի սկզբանե երեկ հայտարարվեց, թե Ստեփանակերտում կայանալու է Արցախի ԱԽ արտահերթ նիստ, այնուհետ հաղորդագրություն եղավ, որ Արցախի մայրաքաղաքում կայանալու է Հայաստանի ԱԽ հերթական նիստը, իսկ արդեն ուշ երեկոյան Նիկոլ Փաշինյանը իր ֆեյսբուքյան էջում գրեց, որ այսօրվա նիստը Արցախի և Հայաստանի Անվտանգության խորհուրդների համատեղ նիստ է:
Նարեկ Կիրակոսյան
