Քաղաքականություն
28.01.2019 | 16:22Ազգային ժողովի «Իմ քայլը» խմբակցության պատգամավոր Ռուբեն Ռուբինյանի համար գաղտնիք է մնում, թե ինչպե՞ս են մարդիկ իրար հետ կապ չունեցող բաներն իրար կապում։
«Մենք բոլորս պետք է մեզ հարց տանք. կա՞ ժողովուրդ, որը չի ուզում խաղաղություն։ Եվս մեկ հարց մեզ պետք է տանք. մենք, ի վերջո, ուզո՞ւմ ենք, որ հակամարտությունը հանգուցալուծվի: Իհարկե՝ ուզում ենք, այստեղ այլ հարց է, թե ի՞նչ գնով և ի՞նչ պայմաններով է հանգուցալուծվելու այդ հակամարտությունը»,- հունվարի 28-ին Բանակի օրվա առիթով Պաշտպանության նախարարության կազմակերպած միջոցառումից առաջ լրագրողների հետ զրույցում ասաց Ռուբինյանը՝ անդրադառնալով ԵԱՀԿ Մինսկի խմբի համանախագահների՝ ժողովուրդներին խաղաղությանը նախապատրաստելու մասին հայտարարությանը:
Նրա հավաստմամբ՝զիջումների մասին փաստաթուղթ բանակցային սեղանին չկա: «Եթե հիմա սեղանին դրված լիներ ինչ-որ փաստաթուղթ, որը կենթադրեր ինչ-որ զիջումներ և ժողովուրդներին խաղաղությանը պատրաստելու կոնտեքստը կկապվեր դրան, կարող է և տրամաբանական լիներ: Բայց այդպիսի փաստաթուղթ չկա, չի քննարկվում որևէ տարբերակ։ Խոսվում է ընդամենը հասարակություններին խաղաղության պատրաստելու մասին։ Չէ՞ որ մենք տարիներ շարունակ ասել ենք, որ Ադրբեջանում ռազմատենչ հայտարարություններ են հնչում, հակահայկական հայտարարություններ են արվում։ Մենք ուզում ենք, չէ՞, որ Ադրբեջանում դադարեն հակահայկական, ռազմատենչ հայտարարությունները: Հենց սա է խաղաղությանը նախապատրաստումը»,- հավելեց պատգամավորը։
Մանրամասները՝ տեսանյութում։
Աղավնի Սուքիասյան
