10.10.2026 | 16:51
«Գալուստ Գյուլբենկյան» հիմնադրամի հոգաբարձուների խորհրդի նախագահն այցելել է Հայոց ցեղասպանության հուշահամալիր
Արամի 23-ի հարևանությամբ շինթույլտվությունը տրվել է քաղաքաշինական նորմերի խախտմամբ․ Արմեն Աբրոյան. ՏԵՍԱՆՅՈՒԹ
Հասարակություն
14.01.2019 | 12:29
Արամի 23 հասցեում գտնվող հուշարձան շենքի հարևանությամբ իրականացվող շինարարական թույլտվությունը քաղաքաշինական նորմերի խախտմամբ է տրվել՝ առանց Մշակույթի նախարարության համաձայնության: Հունվարի 14-ին հրավիրված ասուլիսի ընթացքում այս մասին հայտարարեց ՀՀ մշակույթի նախարարության պատմության և մշակույթի հուշարձանների պահպանության գործակալության պետ Արմեն Աբրոյանը:
Նա նշեց, որ դեռևս 2018 թվականի ապրիլին Երևանի քաղաքապետարանի կողմից տրված թույլտվությամբ Արամի 23 հասցեում գտնվող հուշարձան շենքի պատին կից եռահարկ կառուցապատման նպատակով «Հին Երևան» ծրագրի շրջանակում հողային աշխատանքներ են կատարվել, որի պատճառով վնասվել է «Հայաստանի փոքրիկ երգիչների» շենքին հարակից պատը:
«Մենք արձագանքեցինք «Հայաստանի փոքրիկ երգիչների» ահազանգին, դիմեցինք քաղաքապետարան, որպեսզի խնդիրը կարգավորելու համար միջոցներ ձեռնարկվեն: Նաև հայտնեցինք, որ տվյալ աշխատանքն անօրինական է կատարվել, որից հետո պահանջեցինք, որ փաստաթղթերը ներկայացնեն, քանի որ թույլտվությունը տրվել է առանց Մշակույթի նախարարության համաձայնության: Հետագայում՝ փաստաթղթերը վերցնելուց նաև պարզվել է, որ թույլտվությունը տրվել է քաղաքաշինական նորմերի խախտմամբ»,- հավաստեց Մշակույթի նախարարության պաշտոնյան:
Մանրամասները՝ տեսանյութում:
