08.12.2025 | 23:30
Իլոն Մասկը կոչ է անում «վերացնել» ԵՄ-ն. Եվրահանձնաժողովին արգելվել է X-ում գովազդներ տեղադրել՝ 120 միլիոն եվրո տուգանքից հետո
Համեստ ու բարձրաճաշակ միջոցառումներով աշխարհին տեսանելի դարձնենք այն ճանապարհը, որ անցել է ինքնիշխան Արցախը 1991 թվականից ի վեր. Ա. Ղուլյան
31.07.2017 | 15:20
Արցախի Հանրապետության 26-րդ տարեդարձի տոնական միջոցառումների կազմակերպման ու համակարգման հանձնաժողովի առաջին նիստը կայացել է հուլիսի 31-ին: Այն վարել է հանձնաժողովի նախագահ Աշոտ Ղուլյանը:
Ինչպես տեղեկացնում են Արցախի Հանրապետության ԱԺ մամուլի ծառայությունից, Աշոտ Ղուլյանը նշել է, որ հանձնաժողովի նպատակն է տոնական տրամադրություն ստեղծել հանրապետության ողջ տարածքում և համեստ ու բարձրաճաշակ միջոցառումներով արտաքին աշխարհին տեսանելի դարձնել այն ճանապարհը, որ անցել է ինքնիշխան Արցախի Հանրապետությունը 1991 թվականից ի վեր:
Սահմանված ժամկետներում Ստեփանակերտում և հանրապետության շրջաններում արդեն ձևավորվել են տեղական հանձնաժողովներ, որոնք կառավարական հանձնաժողովին են ներկայացրել նախատեսվող միջոցառումների ծրագրերը և անհրաժեշտ ծախսերի նախահաշիվները: Մինչև օգոստոսի 5-ը կքննարկվեն ներկայացված առաջարկները և կձևավորվի տոնական միջոցառումների համալիր ծրագիրը:
Կարծիքների փոխանակությունից հետո Աշոտ Ղուլյանը համապատասխան հանձնարարականներ է տվել հանձնաժողովի անդամներին՝ միջոցառումների նախապատրաստական աշխատանքները սահմանված ժամկետներում իրականացնելու համար:
