Ինչպես է Փաշինյանը պատկերացնում Արծվաշենի «տեղափոխությունը». նոր առաջարկ անկլավների վերաբերյալ. ՏԵՍԱՆՅՈւԹ

Հայաստանի և Ադրբեջանի միջև պայմանավորվածություն չկա անկլավների և էքսկլավների վերաբերյալ։ Այս մասին այսօր ճեպազրույցում նշեց վարչապետ Նիկոլ Փաշինյանը, որը երեկ հայտարարում էր, թե հարցը լուծվելու է տարածքների փոխանակմամբ: Միաժամանակ, Փաշինյանը տեղեկացրեց, որ այս սցենարը քննարկվող տարբերակներից մեկն է։

Նիկոլ Փաշինյանը նաև մի տարբերակ է ներկայացնում, որը ենթադրում է տարածքների տեղափոխություն։

Թե ինչպես է սա հնարավոր, Նիկոլ Փաշինյանը չմանրամասնեց, իսկ հարց հնչեցրած լրագրողին ճեպազրույցի ընթացքում հնարավորություն չտրվեց պարզաբանում ենթադրող հարցեր ուղղել։

Ավտանգային հարցերով փորձագետ Տիգրան Աբրահամյանը Factor TV-ի հետ զրույցում ասաց՝ վարչապետի նկարագրած սցենարը նշանակում է՝ Արծվաշենի տարածքից ինչ-որ հատված թողնել Ադրբեջանին, փոխարենը ստանալ Ադրբեջանի տարածքից Հայաստանի հետ սահմանին։

Քարտեզագիր Ռուբեն Գալչյանը Փաշինյանի նկարագրած այս սցենարն իրատեսական չի համարում։

Տիգրան Աբրահամյանը նշում է՝ Ադրբեջանին վերագրվող անկլավների, մասնավորապես, Տիգրանաշենի պարագայում, Արծվաշենի սցենարը չի կարող գործել։

Քարտեզագիր Ռուբեն Գալչյանի խոսքով՝ նախընտրելի կլինի, եթե Արծվաշենն ամբողջությամբ մնա Ադրբեջանի տարածքում, իսկ Ադրբեջանին վերագրվող երեք անկլավները՝ Հայաստանի տարածքում։

Անկլավների թեման ակտիվացավ պատերազմից հետո․ Նիկոլ Փաշինյանը մինչև 2025 թվականը հայտարարում էր, որ Հայաստանում ադրբեջանական անկլավների առկայության մասին իրավական հիմքեր չկան։ Այժմ նա որպես իրավական հիմք ներկայացնում է Ալմաթայի հռչակագիրը և ԽՍՀՄ քարտեզները։

Մանրամասները՝ տեսանյութում։

Նարեկ Կիրակոսյան