05.11.2026 | 00:08
Ինչ է որոշել ընդդիմությունը. Նարեկ Կարապետյանը հանդիպումից հետո մանրամասներ հայտնեց. ՏԵՍԱՆՅՈՒԹ
Վահագն Խաչատուրյանն ընդունել Է Ալժիրի Ազգային խորհրդի նախագահ Ազուզ Նասրիին
Քաղաքականություն
15.10.2026 | 19:16
Հանրապետության նախագահ Վահագն Խաչատուրյանն ընդունել է Ալժիրի Ժողովրդավարական Ժողովրդական Հանրապետության Ազգային խորհրդի նախագահ Ազուզ Նասրիին:
Ողջունելով հյուրին՝ Հանրապետության նախագահը շնորհակալություն է հայտնել Հայաստանում անցկացվող COP17 համաժողովին մասնակցության համար՝ ընդգծելով, որ միջազգային այս կարևոր հարթակը լավ առիթ է նաև երկկողմ օրակարգին անդրադառնալու և համագործակցության նոր հեռանկարները քննարկելու համար: Վահագն Խաչատուրյանը բարձր է գնահատել Ալժիրի հետ ավելի քան երեքուկես տասնամյակ ձգվող բարեկամական հարաբերությունները՝ վերահաստատելով հայկական կողմի պատրաստակամությունը խորացնելու փոխգործակցությունը փոխադարձ հետաքրքրություն ներկայացնող բոլոր ոլորտներում:
Ազուզ Նասրին շնորհակալություն է հայտնել հրավերի և ջերմ ընդունելության համար և կարևորել Հայաստանում նման համաժողովի կազմակերպումը:
Կողմերն արձանագրել են, որ երկու երկրների միջև դիվանագիտական կապերը հիմնված են փոխադարձ հարգանքի ու վստահության վրա: Հանդիպման ընթացքում կարևորվել է միջխորհրդարանական կապերի ակտիվացումն ու բարձրաստիճան փոխայցելությունների պարբերականությունը, ինչը նոր լիցք կհաղորդի երկկողմ քաղաքական երկխոսությանն ու տնտեսական համագործակցությանը:
