28.10.2026 | 15:46
Արարատ Միրզոյանն ու Սլովենիայի արտգործնախարարը քննարկումները շարունակել են աշխատանքային ճաշի ձևաչափով
Պատմության մեջ ամենամեծ առևտրային դեֆիցիտը այս տարի է․ Նարեկ Կարապետյան․ ՏԵՍԱՆՅՈՒԹ
Քաղաքականություն
28.10.2026 | 14:07
Ազգային ժողովի նիստում «Ուժեղ Հայաստան» խմբակցության ղեկավար Նարեկ Կարապետյանն անդրադարձավ Հայաստանի տնտեսական վիճակին, արտաքին առևտրին և արձանագրված առևտրային դեֆիցիտին։
Կարապետյանն ընդգծեց, որ միջազգային տնտեսական ինտեգրացիոն գործընթացներն ընդունելի են, սակայն Հայաստանում առկա են լուրջ տնտեսական մարտահրավերներ․ «Պատմության մեջ ամենամեծ առևտրային դեֆիցիտը այս տարի է․․․ Մեկ տարվա կտրվածքով մոտ 8%-ով արտահանումը Հայաստանից անկում է ապրել»։
Պատգամավորը հակադարձեց պաշտոնական այն պարզաբանմանը, թե արտահանման անկումը պայմանավորված է վերաարտահանման ծավալների նվազումով․ «Եթե վերաարտահանումը իջել է, ուրեմն ներմուծումն էլ պետք է իջներ: Իսկ ինչպիսի՞ն է ներմուծման պատկերը․ 9.5% աճ»։
Նարեկ Կարապետյանի խոսքով՝ ներկայումս տնտեսական ակտիվությունն ապահովվում է վարկերի և արտերկրից ստացվող ֆինանսական տրանսֆերների հաշվին․ «Գների աճն էլ 4.5-5% է Հայաստանում՝ միջին բոլոր գների․․․ Ներմուծումը աճել է, արտահանումը իջել է․ էլ ի՞նչ տնտեսական ցուցանիշ կա, որը ցույց է տալիս, որ վիճակը վատ է: Ոչ մի արտադրություն, նոր բան չի ստեղծվում, ժողովո՛ւրդ»։
Ելույթի ավարտին նա ընդգծեց, որ երկրին անհրաժեշտ են տասնյակ ու հարյուրավոր նոր արտադրություններ, ինչպես նաև տնտեսական մոդելի արմատական փոփոխություն։
Մանրամասները՝ տեսանյութում։
Եվգենյա Համբարձումյան
