16.10.2026 | 15:53
Գագիկ Խաչատրյանը չի բերվել դատարան՝ չնայած ցանկություն էր հայտնել մասնակցել նիստին
Մտահոգություն չունենք, վստահում ենք մեր հայ գործընկերներին. Արաղչին՝ TRIPP-ի մասին․ ՏԵՍԱՆՅՈՒԹ
Քաղաքականություն
16.10.2026 | 14:12
«Մենք որևէ մտահոգություն չունենք։ Մենք վստահում ենք մեր հայ եղբայրներին»,- այս մասին հայտնել է Իրանի Իսլամական Հանրապետության արտաքին գործերի նախարար Աբբաս Արաղչին՝ անդրադարնալով հարցին, թե որոնք են Թեհրանի մտահոգությունները TRIPP-ի վերաբերյալ։
Ավելի վաղ ՀՀ արտաքին գործերի և միջազգային առևտրի նախարար Արարատ Միրզոյանը, անդրադառնալով Թեհրան կատարած իր վերջին այցին և TRIPP-ի շուրջ իրանական կողմի դիրքորոշմանը, ընդգծել էր, որ մեդիադաշտում այդ մտահոգությունները խիստ ուռճացված են ներկայացվում։
Միրզոյանը պարզաբանել էր, որ իրանական կողմի հիմնական հարցադրումը վերաբերում է երթուղու երկայնքով ամերիկյան կամ այլ երրորդ ուժերի հնարավոր զինված ներկայությանը։
«Ասում են՝ լինելո՞ւ է ամերիկյան զինված ներկայություն TRIPP-ի երկայնքով։ Ասում ենք չի՛ լինելու։ Թղթերն այդ մասին են վկայում, իրականությունն այդ մասին է վկայում։ Իրանական կողմում հարցեր եղել են, դրանց պատասխանները տրվել են, և իմ տպավորությամբ՝ իրանական կողմն այս ընթացքով բավարարված է»,- նշել էր նախարարը՝ հավելելով, որ երրորդ կողմի զինված բացակայության պայմաններում Իրանը ևս հնարավորություն կունենա միանալու և օգտվելու այդ ենթակառուցվածքներից։
Մանրամասները՝ տեսանյութում։
Անի Թամրազյան
