29.09.2026 | 13:58
«BYD» և «Changan» մեքենաների ներմուծման պատրվակով 13 անձից հափշտակել է 78.3 մլն դրամ․ ՔԿ
TOON EXPO-ն՝ տարվա մեջ երկրորդ անգամ. տաղավարները sold out են․ ՏԵՍԱՆՅՈՒԹ
Տեսանյութեր
29.09.2026 | 13:00
Վճարովի բովանդակություն
Նոյեմբերի 13-ին, 14-ին և 15-ին այս տարի արդեն երկրորդ անգամ «Տուն Էքսպո»-ն կանցկացվի «Մերիդիան» էքսպո կենտրոնում։ Հայտարարությունից ընդամենը մի քանի օր անց բոլոր տաղավարներն արդեն զբաղեցված են։
Ցուցահանդեսին ընդառաջ Big Projects-ը գործընկերների համար կազմակերպել է նախամիջոցառում՝ շուկայի վերջին զարգացումները ներկայացնելու և մասնակցությանն առավել արդյունավետ պատրաստվելու համար։
«Տուն Էքսպո»-ն արդեն յոթերորդ անգամ է անցկացվում։ Կազմակերպիչների խոսքով՝ տարիների ընթացքում այն դարձել է հարթակ, որի հետ այցելուները կապում են նաև իրենց անշարժ գույքի գնման որոշումը։
««Տուն Էքսպո»-ն շատ վստահելի հարթակ է հասարակության համար արդեն հինգ-վեց տարի շարունակ, սա յոթերորդ «Տուն Էքսպո»-ն է։ Մարդիկ իրենց գնման որոշումը կապում են «Տուն Էքսպո» այցելության հետ, ու մենք չենք կարող թույլ տալ, որ սխալներ կատարվեն «Տուն Էքսպո»-ում, ու պիտի բոլոր տաղավարները մաքսիմալ պատրաստված լինեն»,- ընդգծում է Big Projects ընկերության համահիմնադիր, Մարքեթինգի և հասարակայնության հետ կապերի բաժնի պատասխանատու Դիանա Հարոյանը։
Գործընկեր կազմակերպու թյունների համար ներկայացվել են նաև շուկայում տեղի ունեցող փոփոխությունները։ Կազմակերպիչները համադրել են Կադաստրի կոմիտեի տվյալները, «Տուն Էքսպո»-ի ունեցած տեղեկատվությունն ու գործընկերների շրջանում իրականացված ուսումնասիրությունները։
Այս անգամ կազմակերպիչները հնարավորություն կունենան 24/7 ռեժիմով հետևելու գործընկերների պատրաստվածությանը՝ մարքեթինգի, վաճառքի և այլ ուղղություններով։
«Մենք «Տուն Էքսպո»-ին մեր գործընկերների մասնակցությունը բերում ենք հնարավորինս թափանցիկ ու չափելի դաշտ, որը կախված չի լինի ո՛չ իրենց, ո՛չ մեր կարծիքից։ Կլինեն փաստական, օբյեկտիվ տվյալներ՝ ժամանակի մեջ բաշխված, ու մենք կկարողանանք ճիշտ գնահատել ընկերության մասնակցությունը «Տուն Էքսպո»-ին»,- նշում է Հարոյանը։
Տարիների ընթացքում փոխվել են նաև գնորդների պահանջները։ Կազմակերպիչների դիտարկմամբ՝ եթե նախկինում մարդիկ հիմնականում փնտրում էին բնակարան կամ պարզապես քառակուսի մետր, այժմ ավելի մեծ ուշադրություն են դարձնում միջավայրին և բնակության պայմաններին։
Դիանա Հարոյանն ընդգծում է՝ այս փոփոխությունների ֆոնին աճում է նաև Երևանից դուրս գտնվող անշարժ գույքի նկատմամբ հետաքրքրությունը։ Կազմակերպիչների տվյալներով՝ Երևանամերձ տարածքներն ու մարզերը գնորդների համար ավելի ակտիվ ուղղություններ են դարձել։
«Տուն Էքսպո»-ի այցելուների համար կգործեն նաև փոխադրամիջոցներ, իսկ ամբողջական տեղեկատվությունը կազմակերպիչները կհրապարակեն իրենց սոցիալական ցանցերի էջերում։ Big Projects-ը այցելուներին հորդորում է նախապես գրանցվել։
Մանրամասները՝ տեսանյութում։
Արփի Հակոբյան
