04.09.2026 | 23:24
Սեպտեմբերի 10-13-ը Հայաստանում առաջին անգամ կանցկացվի «Tour of Armenia» միջազգային հեծանվավազքը
Ալիևի կողմից վերջերս բացված հյուրանոցի 200-250 աշխատակիցներ չեն կարողանում ստանալ աշխատավարձը
Քաղաքականություն
04.09.2026 | 22:23
Ղրղզստանում աշխատող ադրբեջանցիները բողոքում են չվճարված աշխատավարձերի համար․ խոսքը Ադրբեջանի նախագահ Իլհամ Ալիևի բացած հյուրանոցի մասին է, գրում է ադրբեջանական անկախ Meydan TV-ն։
Խոսքը Ղրղզստանում հինգաստղանի Baku Resort & Spa հյուրանոցի կառուցման շուրջ ծագած սկանդալի մասին է։ «Ազատություն» ռադիոկայանը օգոստոսի սկզբին հաղորդել էր, որ Իսիկ-Կուլ լճի ափին հյուրանոցը կառուցող ընկերությունը չի ստացել իր կատարած աշխատանքի դիմաց նախատեսված վճարը։
Բողոքող աշխատողներից մեկը հայտնել էր, որ MCG ընկերությունը չի վճարում իրենց աշխատավարձերը։ Երբ նրանք պահանջում են իրենց հասանելիք գումարը, նրանց պատասխանում են. «Գնացեք, ինչից եք բողոքում»։
Նշենք, որ հյուրանոցը մեծ հանդիսավորությամբ բացվել էր հուլիսի 31-ին՝ Ադրբեջանի նախագահ Իլհամ Ալիևի և Կենտրոնական Ասիայի այլ երկրների ղեկավարների մասնակցությամբ։
Հյուրանոցի կառավարումը 49 տարի ժամկետով տրվել է Ադրբեջանին։ Այն կառուցվել է Ադրբեջանի Հանրապետության կառավարության և Ղրղզստանի Հանրապետության նախարարների կաբինետի միջև 2023 թվականին Բիշքեկում ստորագրված՝ Իսիկ-Կուլ լճի ափին հինգաստղանի հյուրանոցի կառուցման մեջ ներդրումներ կատարելու վերաբերյալ համաձայնագրի շրջանակում։
Հյուրանոցի շինարարությունը սկսվել էր 2023 թվականի հոկտեմբերին՝ Ղրղզստանի կողմից Ադրբեջանին երկարաժամկետ վարձակալության տրամադրված 17 հեկտար հողատարածքի վրա։
Թարգմանությունը՝ Էմմա Չոբանյանի
