Մադրիդի «Ռեալի» նորանշանակ գլխավոր մարզիչ Ժոզե Մոուրինյոն հայտարարել է, որ չէր ցանկանա իր թիմում տեսնել կատալոնական «Բարսելոնայի» իսպանացի հարձակվող Լամին Յամալին։
«Միանշանակ՝ ոչ։ Նա անկասկած հիանալի խաղացող է, երիտասարդ ֆուտբոլիստ՝ անհավանական զարգացման ներուժով։ Նրա տարիքի համար անսովոր է Եվրոպայի և աշխարհի չեմպիոն լինելը, բայց մենք ունենք բարձրակարգ թիմ, և ես չէի ցանկանա տեղ ազատել որևէ մեկի համար։ Հիմա նրանք են իմ խաղացողները։ Եվ իմ խաղացողներն են լավագույնները»,- պորտուգալացի մասնագետի խոսքը մեջբերում է AS-ը։
Հիշեցնենք, որ Ժոզե Մոուրինյոն այս ամռանն է վերադարձել «Ռեալի» գլխավոր մարզչի պաշտոնին, որը զբաղեցրել է նաև 2010-2013 թվականներին։
Դավիթ Եղիազարյան
