11.10.2026 | 12:45
ԱԹՍ-ների պատճառով Վլադիմիրում Yandex-ի տվյալների կենտրոնը դադարեցրել է աշխատանքը․ խնդիրներ՝ նաև Հայաստանում
Էդուարդ Սպերցյանը նշել է՝ ում դեմ կցանկանար խաղալ Սաուդյան Արաբիայում
19.08.2026 | 13:58
Հայաստանի ազգային հավաքականի ավագ, «Ալ Ահլիի» նորեկ Էդուարդ Սպերցյանը կարծիք է հայտնել Սաուդյան Արաբիայի առաջնության մասին, որտեղ նորամուտը նշել էր հաղթական գոլով։
«Կարծում եմ՝ սա քայլ առաջ է։ Սաուդյան Արաբիայի լիգան այնքան էլ հեշտ չէ։ Այստեղ շատ լավ թիմեր և ուժեղ խաղացողներ կան։ Այնպես որ, սա մարտահրավեր է իմ կարիերայում, և ես պատրաստ եմ դրան։
Թիմում շատ են փորձառու և տաղանդավոր խաղացողները։ Էդուար Մենդին շատ լավ ավագ է։ Թիմի մթնոլորտը հիանալի է։
Ինչ վերաբերում է ինձ, ես ամեն ինչ կանեմ յուրաքանչյուր խաղում, որպեսզի կարողանանք տիտղոսներ նվաճել։ Իսկ թե ո՞ւմ դեմ կցանկանայի խաղալ, Բենզեմայի և Կրիշտիանու Ռոնալդուի դեմ», – Okko-ի հետ հարցազրույցում ասել է Սպերցյանը։
Հիշեցնենք, որ 26-ամյա կիսապաշտպանը հուլիսի 7-ին ռուսական «Կրասնոդարից» է տեղափոխվել «Ալ Ահլի», որի կազմում անցկացրել է 2 պաշտոնական հանդիպում, դարձել 2 գոլի ու մեկ գոլային փոխանցման հեղինակ։
