10.08.2026 | 19:54
Կոլումբիայում 7.4 մագնիտուդով հզոր երկրաշարժ է տեղի ունեցել․ զոհերի թիվը հասել է 20-ի
Հայտնի է՝ որքան գումար է վճարելու «Բարսելոնան» Ռոդրիի համար
10.08.2026 | 14:17
Անգլիական «Մանչեսթեր Սիթիի» ու կատալոնական «Բարսելոնայի» բանակցություններն իսպանացի կիսապաշտպան Ռոդրիի տեղափոխության շուրջ ավարտական փուլում են:
Mundo Deportivo-ի համաձայն՝ «Բարսելոնան» շուրջ 55 միլիոն եվրո է վճարելու աշխարհի նորընծա չեմպիոն Իսպանիայի հավաքականի 30-ամյա ֆուտբոլիստին ձեռք բերելու համար: Ռոդրին Իսպանիայի չեմպիոնի հետ համաձայնության է եկել պայմանագրի կետերի հարցում: «Բարսելոնայի» գլխավոր մարզիչ Հանս-Դիտեր Ֆլիկը հույս ունի, որ այս շաբաթվա ընթացքում կիսապաշտպանը կմիանա իր թիմին:
Ռոդրին 2019 թվականին Մադրիդի «Աթլետիկոյից» է տեղափոխվել «Մանչեսթեր Սիթի», որի հետ պայմանագիր ունի մինչև 2027 թվականի հունիսի 30-ը։ Անգլիական ակումբի կազմում կիսապաշտպանն անցկացրել է 298 հանդիպում, դարձել 28 գոլի ու 32 գոլային փոխանցման հեղինակ։ ԱՄՆ-ում, Կանադայում և Մեքսիկայում կայացած աշխարհի առաջնության եզրափակիչից հետո նա ստացել էր մրցաշարի լավագույն ֆուտբոլիստի մրցանակը: Transfermarkt 55 միլիոն եվրո է գնահատում նրա տրանսֆերային արժեքը:
