03.11.2026 | 20:22
Ավելի քան 150 նախագիծ, 30 հազար այցելու․ TOON EXPO-ն կանցկացվի նոյեմբերի 13-15-ը Մերիդիանում. ՏԵՍԱՆՅՈՒԹ
Քաղաքապետարանը վաղը կբացի Ծառուկյանի «Մուլտի Վելնես»-ը․ 4 օր է՝ մաքրման աշխատանքներ են կատարվում. ՏԵՍԱՆՅՈՒԹ
Քաղաքականություն
30.07.2026 | 19:15
ԲՀԿ առաջնորդ Գագիկ Ծառուկյանին ձերբակալելուն զուգահեռ փակված «Մուլտի Վելնես» մարզաառողջարարական համալիրը վաղը կբացվի։ Այս մասին հայտնում է Factor TV-ի աղբյուրը։ Մեզ փոխանցել են, որ վաղն առավոտյան ժամը 07։00-ից համալիրը, որը 24 օր փակ է, կաշխատի բնականոն հունով։
Factor TV-ն այսօր այցելել է «Մուլտի Վելնես», որտեղ Երևանի քաղաքապետարանի շուրջ մեկ տասնյակ աշխատակիցներ կային։ Նրանք նշեցին, որ մի քանի օր է՝ կապարակնքված դռները բացել և ներսում մաքրման, սարքավորումների և մարզասարքերի թարմացման աշխատանքներ են կատարում։
Արման Փիրոյանը, որը «Մուլտի Վելնես» մարզաառողջարարական համալիրի գլխավոր տնօրենն էր, Factor TV-ի զրույցում նշեց, որ վերաբացման մասով ինքը պաշտոնական որևէ ծանուցում չի ստացել, տեղեկությունն իրեն փոխանցել են համալիրի աշխատակիցները։
«Ես իմ գույքի մասով քննիչից դեռ որոշում չեմ ստացել, իմ գույքն ո՞վ կարող է տիրապետել, օգտագործել։ Դեռ քննական վիճակը շարունակվում է, դեռ ոչ մի բան քննիչը չի տվել, որոշում չի կայացվել, քաղաքապետարանը եկել, ասում է՝ ես բացել եմ, մաքրություն եմ անում: Մեկ է՝ գիտեն, որոշում են կայացրել, որ գույքն օգտագործելու են, իբր, հանձնելու են իրենց, կարող են օգտագործել: Այ այսպես, իրենք իրենց որոշում են կայացրել, ասում են՝ նաև ժամանակավոր կառավարիչ նշանակել»,- ասաց նա։
Հիշեցնենք՝ հուլիսի 6-ին խուզարկությունից հետո մարզաառողջարարական համալիրն անորոշ ժամանակով փակվել է, բոլոր մուտքերը՝ կապարակնքվել և փակցվել ոստիկանական դեղին ժապավեններ։ Դրանից երեք օր անց ՊԵԿ-ը հնչեղ տեսանյութ էր հրապարակել՝ բացահայտվել է 2,6 մլրդ դրամի թաքցված շրջանառություն։
Մանրամասները՝ տեսանյութում։
Ռոզա Վարդանյան
