21.10.2026 | 23:30
Էրդողանն ու Ալիևը հեռախոսազրույց են ունեցել՝ Բաքվի կողմից Անկարայի նկատմամբ կոշտ քայլերի ֆոնին
ՌԴ-ն հրթիռներով և ավելի քան 200 ԱԹՍ-ներով գրոհել է Ուկրաինան․ տուժածներ կան
Քաղաքականություն
22.07.2026 | 15:18
Ռուսական բանակը հարվածել է Խերսոնի Կորաբելնի շրջանին, հայտնել է քաղաքի ռազմական վարչակազմի ղեկավար Յարոսլավ Շանկոն։ Հարվածի հետևանքով զոհվել է մեկ կին, գրում է Current time-ը։
Շանկոն նաև ասել է, որ հարվածից հետո քաղաքում էլեկտրաէներգիայի անջատումներ են սկսվել։
Կիևի մարզում Բուչա շրջանի Չայկի գյուղի բնակելի շենքը ենթարկվել է հարձակման. վիրավորվել է 5 մարդ, այդ թվում՝ 3 երեխա, хայտնում է Ուկրաինայի արտակարգ իրավիճակների պետական ծառայությունը։
Օդեսայի մարզում էլ մեկ անօդաչու թռչող սարք հարվածել է գյուղերից մեկի երկհարկանի բնակելի տան, կին է զոհվել։ Այս մասին հայտնում է մարզային վարչակազմի ղեկավար Օլեգ Կիպերը։
Վնասվել են նաև ծխախոտի պահեստ և գլխավոր գազատարը, ինչը հանգեցրել է գազամատակարարման դադարեցման։
Դնեպրոպետրովսկի մարզային վարչակազմի ղեկավար Ալեքսանդր Գանժան հայտնել է, որ ռուսական ուժերն անօդաչու թռչող սարքերով և հրետանիով ավելի քան 10 անգամ հարձակվել են մարզի երկու շրջանների վրա։ Տուժածներ չկան։
Ուկրաինայի զինված ուժերի գլխավոր շտաբը հայտնել է, որ հուլիսի լույս 22-ի գիշերը Ռուսաստանը հարձակվել է «Իսկանդեր-Մ» բալիստիկ հրթիռով, երեք կառավարվող ավիացիոն հրթիռներով և 216 անօդաչու թռչող սարքերով, որոնցից 207-ը խոցվել են։
Թարգմանությունը՝ Էմմա Չոբանյանի
