05.09.2026 | 19:58
Քննարկվել են Հայաստանի և Իրաքյան Քուրդիստանի միջև տնտեսական կապերի զարգացման հնարավորությունները
Հայտնի է՝ որ ակումբի ֆուտբոլիստներն են ամենաշատ գոլերը խփել ԱԱ-2026-ում
21.07.2026 | 14:35
Մադրիդի «Ռեալի» ֆուտբոլիստներն ամենաշատ գոլերն են խփել ԱՄՆ-ում, Կանադայում և Մեքսիկայում ավարտված աշխարհի առաջնությունում։
ԱԱ-2026-ում «Արքայական ակումբի» ներկայացուցիչները խփել են 22 գոլ, որոնցից 10-ն իր անվան դիմաց գրանցել է մրցաշարի լավագույն ռմբարկու դարձած ֆրանսիացի հարձակվող Կիլիան Մբապեն։
Այդ ցուցանիշով երկրորդ տեղում Չեմպիոնների լիգայի գավաթակիր ֆրանսիական ՊՍԺ-ն է (16 գոլ), երրորդում՝ Անգլիայի չեմպիոն Լոնդոնի «Արսենալը» (16 գոլ)։ 8-ական գոլով 4-7-րդ տեղերը բաժանում են Մյունխենի «Բավարիան», անգլիական «Սանդերլենդը», «Քրիսթալ Փելասը» և ամերիկյան «Ինտեր Մայամին», որի բոլոր գոլերը խփել է արգենտինացի հարձակվող Լիոնել Մեսին։
«Ռեալը» նաև աշխարհի առաջնությունների ռեկորդ է սահմանել մեկ մրցաշարի ընթացքում մեկ ակումբի ֆուտբոլիստների խփած գոլերի ցուցանիշով։ Նախորդ ռեկորդը 18 գոլ էր։ Մունդիալներում 18 գոլ նախկինում խփել էին հունգարական «Հոնվեդի» (ԱԱ-1954), «Բավարիայի» (ԱԱ-2014) և ՊՍԺ-ի (ԱԱ-2022) ֆուտբոլիստները։
