17.07.2026 | 17:09
Լավրովն առաջիկայում «3+3» ձևաչափով հանդիպման հույս է հայտնել՝ Երևանում կամ Բաքվում
Ֆուտբոլի Աշխարհի առաջնության եզրափակիչն անտառային հրդեհների պատճառով կարող է հետաձգվել. Olé
17.07.2026 | 14:42
2026 թվականի Ֆուտբոլի Աշխարհի առաջնության եզրափակիչ խաղը Իսպանիայի և Արգենտինայի միջև կարող է հետաձգվել Կանադայում մոլեգնող լայնածավալ անտառային հրդեհների պատճառով, հաղորդում է արգենտինական Olé թերթը։
Հրդեհներից առաջացած խիտ ծուխը տարածվել է Կանադայի մի քանի շրջաններով և հասել ԱՄՆ հյուսիսային նահանգներ, այդ թվում՝ Նյու Յորք և Նյու Ջերսի, որտեղ հուլիսի 19-ին «Մետլայֆ» մարզադաշտում նախատեսված է անցկացնել եզրափակիչ խաղը։
Չիկագոյի իշխանություններն արդեն փակել են որոշ հանրային տարածքներ և չեղարկել բացօթյա միջոցառումները, իսկ MLS-ի կանոնավոր մրցաշրջանի խաղը «Չիկագո Ֆայր»-ի և «Վանկուվեր Ուայթքեփս»-ի միջև հետաձգվել է մինչև հոկտեմբերի 6-ը՝ օդի խիստ աղտոտվածության պատճառով։
Ole-ն նշում է, որ Աշխարհի առաջնության եզրափակիչը հետաձգելու հավանականությունը մնում է ցածր, բայց և չի բացառվում։
Եթե աղտոտվածության մակարդակն առողջության համար վտանգ ներկայացնի, Ֆուտբոլի միջազգային ֆեդերացիան (ՖԻՖԱ) ունի արձանագրություններ՝ միջոցառման հնարավոր փոփոխությունները գնահատելու համար։
Աշխարհի եռակի չեմպիոն Արգենտինան (1978, 1986 և 2022) երկրորդ անգամ անընդմեջ կխաղա եզրափակչում։ Իսպանիան պատմության մեջ երկրորդ անգամ է հասնում եզրափակիչ։ 2010 թվականին Իսպանիան հաղթել էր Աշխարհի առաջնությունում։
Թարգմանությունը՝ Էմմա Չոբանյանի
