05.09.2026 | 19:58
Քննարկվել են Հայաստանի և Իրաքյան Քուրդիստանի միջև տնտեսական կապերի զարգացման հնարավորությունները
Հայկ Հարությունյանն ու Էստոնիայի դեսպանը քննարկել են հանրային կառավարման բարեփոխումները
Քաղաքականություն
15.07.2026 | 16:14
ՀՀ ֆինանսների նախարարության գլխավոր քարտուղար Հայկ Հարությունյանը Հայաստանում Էստոնիայի դեսպան Մարգ Մարդիսալու-Կահարիի հետ հանդիպմանը քննարկել է թվայնացման, մարդկային ռեսուրսների կառավարման, հանրային կառավարման բարեփոխումների և երկկողմ համագործակցության ընդլայնման հարցերը։ Կողմերը վերահաստատել են փոխադարձ հետաքրքրություն ներկայացնող ուղղություններով համագործակցությունը շարունակելու պատրաստակամությունը։
Գերատեսչության հաղորդագրությունը՝ ստրև․
«ՀՀ ֆինանսների նախարարության գլխավոր քարտուղար Հայկ Հարությունյանն ընդունել է Հայաստանում Էստոնիայի Հանրապետության արտակարգ և լիազոր դեսպան Մարգ Մարդիսալու-Կահարին։
Կողմերն անդրադարձել են հատկապես թվայնացման և մարդկային ռեսուրսների կառավարման ոլորտներում Հայաստանի զարգացման օրակարգին աջակցելու հնարավորություններին, քննարկել հանրային կառավարման բարեփոխումների ռազմավարությանը, ինչպես նաև երկկողմ համագործակցության հետագա զարգացմանն առնչվող կարևոր հարցեր:
Հանդիպման ավարտին կողմերը պատրաստակամություն են հայտնել զարգացնելու համագործակցությունը փոխադարձ հետաքրքրություն ներկայացնող ուղղություններով»:
