14.07.2026 | 15:55
Գազամատակարարման պլանային դադարեցում Աղվերան բնակավայրում՝ հուլիսի 15-ին
Լրագրողի սկանդալային բացահայտումը․ UFC-ն ու Դանա Ուայթն իմացել են Քոնոր Մաքգրեգորի վնասվածքի մասին
14.07.2026 | 12:47
Նախկին մարտիկ, FOX Sports-ի հաղորդավար Ջեյ Սին սոցցանցերում մանրամասներ է հայտնել UFC-ի երկու քաշային կարգերում նախկին չեմպիոն, իռլանդացի Քոնոր Մաքգրեգորի ու ամերիկացի Մաքս Հոլուեյի մենամարտից առաջ տեղի ունեցած իրադարձությունների մասին։
Ըստ աղբյուրի՝ իռլանդացի մարտիկն ու իր թիմը մրցաշարից առաջ UFC-ի ղեկավարությանը հայտնել են ծնկի վնասվածքի մասին, սակայն կազմակերպությունն անտեսել է դա։ UFC-ի նախագահ Դանա Ուայթը հրաժարվել է չեղարկել մենամարտը, քանի որ դա կարող էր լուրջ ֆինանսական հետևանքներ ունենալ շոուի համար։
«Քոնորը և նրա թիմը այս շաբաթվա սկզբին Դանային տեղեկացրել էին, որ նա ծնկի վնասվածք ունի։ Դանան պատասխանել էր, որ շոուն պետք է կայանա։ Ոչ մի գումար չի վերադարձվելու»,- գրել է Ջեյ Սին։
Ջեյ Սին նաև հայտնել է, որ UFC-ում տեղյակ են եղել Մաքգրեգորի խնդիրների մասին, այդ պատճառով մենամարտից առաջ նկատելի փոփոխություններ են գրանցվել բուքմեյքերական շուկաներում։
Հիշեցնենք, որ Լաս Վեգասում կայացած UFC 329-ի գլխավոր մենամարտը կարճ էր տևել։ Տևական ընդմիջումից հետո օկտագոն վերադարձած Մաքգրեգորը ծնկի վնասվածք էր ստացել առաջին րոպեի ընթացքում ու չէր կարողացել շարունակել պայքարը։ 37-ամյա իռլանդացին շուրջ 5 տարվա ընդմիջումից հետո էր մենամարտ անցկացրել։ Նա Մաքս Հոլուեյի հետ հանդիպել էր նաև 2013 թվականին ու հաղթել միավորներով։
