05.09.2026 | 19:58
Քննարկվել են Հայաստանի և Իրաքյան Քուրդիստանի միջև տնտեսական կապերի զարգացման հնարավորությունները
«Արարատ ցեմենտը» աշխատում է ամբողջ հզորությամբ. Պապոյանը տեսանյութ է հրապարակել
Տնտեսություն
11.07.2026 | 12:16
Հ էկոնոմիկայի նախարար Գևորգ Պապոյանը սոցցանցի իր էջում տեսանյութ է հրապարակել, որին կից կատարել է հետևյալ գրառումը. «Արարատ ցեմենտը» աշխատում է ամբողջ հզորությամբ»։
Նախօրեին տեղեկացրել էինք, որ Արարատի ցեմենտի գործարանը վերսկսել է արտադրական գործընթացը։ Էկոնոմիկայի նախարարի տեղակալ Էդգար Զաքարյանը գործարան կատարած այցի ընթացքում հայտարարել է, որ նախարարությունը պատրաստ է աջակցել արտադրության ընթացքում առաջացող հնարավոր խնդիրների լուծմանը՝ ընդգծելով գործարանի անխափան աշխատանքի կարևորությունը տնտեսության և արդյունաբերության համար։
Հիշեցնենք, որ Արարատի ցեմենտի գործարանը հունիսի սկզբին դադարեցրել էր աշխատանքը՝ այն բանից հետո, երբ «Բարգավաճ Հայաստան» կուսակցության նախագահ, գործարանի սեփականատեր Գագիկ Ծառուկյանի նկատմամբ քրեական վարույթի շրջանակում իրականացվեցին քննչական գործողություններ։ Այդ օրերին գործարանի ղեկավարությունը հայտարարում էր, որ արտադրությունը ժամանակավորապես դադարեցվել է կազմակերպչական և կառավարման խնդիրների պատճառով։
Նախարար Պապոյանի հրապարակած տեսանյութը՝ այստեղ:
