08.07.2026 | 18:10
Եվս 2 կալանավորված Ծառուկյանին առնչվող գործով // Մարիա Կարապետյանը՝ ԵԱՀԿ ԽՎ փոխնախագահ․ ԼՈՒՐԵՐ
Պենտագոնի ղեկավարը չեղարկել է այցն Իսրայել՝ ԱՄՆ-Իրան վերջին լարվածության ֆոնին
Քաղաքականություն
08.07.2026 | 16:06
ԱՄՆ պատերազմի նախարար Փիթ Հեգսեթը չեղարկել է չորեքշաբթի նախանշված այցն Իսրայել՝ Իրանի և ԱՄՆ-ի միջև վերջին սրացումից հետո, գրում է CNN-ը։
Աղբյուրները հայտնել են, որ Հեգսեթը պետք է առաջին այցը կատարեր Իսրայել որպես պաշտպանության նախարար, որտեղ պետք է հանդիպեր այդ երկրի վարչապետ Բենիամին Նեթանյահուի և պաշտպանության նախարար Իսրայել Կացի հետ։ Նա նաև ծրագրել էր այցելել Իսրայելի ռազմաօդային ուժերի բազաներ։ Այցը, որի մասին առաջին անգամ հաղորդել էր CNN-ը, չեղարկվել է չորեքշաբթի առավոտյան, այն ժամանակ, երբ նախապատրաստական աշխատանքներն արդեն ընթացքի մեջ էին։
Հեգսեթի այցի նպատակներից մեկը Թուրքիային առաջադեմ F-35 կործանիչների հնարավոր վաճառքի վերաբերյալ Իսրայելի մտահոգությունները մեղմելն էր, որի մասին նախագահ Դոնալդ Թրամփը խոսել էր Անկարայում ՆԱՏՕ-ի գագաթնաժողովի ժամանակ։
CNN-ին տված հարցազրույցում Նեթանյահուն ասել է, որ Թուրքիայի նախագահ Ռեջեփ Թայիփ Էրդողանը «Միացյալ Նահանգների համար կատարյալ դաշնակից չէ»։ Նեթանյահուն նշել է, թե Էրդողանը «սպառնում է ոչնչացնել իր երկիրը՝ միակ հրեական պետությունը»։
Իսրայելը Մերձավոր Արևելքի միակ երկիրն է, որն այժմ շահագործում է ԱՄՆ-ի ամենաառաջադեմ F-35 կործանիչը։
Թարգմանությունը՝ Էմմա Չոբանյանի
