08.07.2026 | 16:59
«Ուժեղ Հայաստան» դաշինքի 106 թեկնածու ինքնաբացարկ է հայտնել․ ԿԸՀ-ն ուժը կորցրած է ճանաչել նրանց գրանցումը
Ադրբեջանի և Հայաստանի միջև խաղաղության համաձայնագիրը մոտ է ստորագրմանը․ Հորդանանի ԱԳ նախարարը՝ Բաքվում
Քաղաքականություն
08.07.2026 | 14:56
Ադրբեջանի արտաքին գործերի նախարար Ջեյհուն Բայրամովը Հորդանանի փոխվարչապետ, արտաքին գործերի և արտերկրում բնակվող հորդանանցիների նախարար Այման աս-Սաֆադիի հետ համատեղ մամուլի ասուլիսում հայտնել է, որ գործընկերոջը տեղեկացրել է Ադրբեջանի և Հայաստանի միջև խաղաղության գործընթացի մասին, գրում են ադրբեջանական լրատվամիջոցները։
Բայրամովը հայտնել է, որ իր գործընկերոջ հետ պայմանավորվել է առաջիկայում այցելել նաև Ղարաբաղ։
Հորդանանի ԱԳ նախարարը, իր հերթին, հայտարարել է, որ Հայաստանի և Ադրբեջանի միջև երկարատև խաղաղության համաձայնագրի ստորագրումն արդեն մոտ է, և դա կարևոր նշանակություն ունի տարածաշրջանի համար։ Նա նաև ասել է, որ աջակցում են Հայաստանի և Ադրբեջանի միջև նախաստորագրված խաղաղության համաձայնագրին։
«Ադրբեջանը և Հորդանանը կհամագործակցեն մի շարք ոլորտներում։ Կկատարվեն նաև ներդրումներ։ Մենք պատրաստ ենք քննարկել բոլոր հնարավոր նախագծերը թե՛ Ղարաբաղում, թե՛ Արևելյան Զանգեզուրում։ Մենք ուսումնասիրում ենք նախագծերը, որպեսզի երկու երկրներն էլ կարողանան օգտվել դրանցից»,- ադրբեջանական լրատվամիջոցների փոխանցմամբ՝ հայտարարել է Այման աս-Սաֆադին։
Թարգմանությունը՝ Էմմա Չոբանյանի
