08.07.2026 | 14:36
ՄԻՊ-ը ստուգում է Ծառուկյանի ձերբակալության ժամանակ ձեռնաշղթայի և ֆիզիկական ուժի կիրառման իրավաչափությունը
Ուկրաինական ուժերն Ազովի ծովում հարվածել են ռուսական 9 լցանավի
Քաղաքականություն
08.07.2026 | 12:57
Ուկրաինական անօդաչու թռչող սարքերը հուլիսի լույս 8-ի գիշերը կրկին հարձակվել են Ազովի ծովում գտնվող «ստվերային նավատորմի» լցանավերի վրա։ Այս մասին հայտնում է Ուկրաինայի զինված ուժերի անօդաչու համակարգերի ուժերի հրամանատար Ռոբերտ «Մադյար» Բրովդին։ Վերջին երեք օրերի ընթացքում այս տարածքում հարված է հասցվել ավելի քան 20 նավի, գրում է The Insider-ը։
Ի տարբերություն նախորդ օրերի՝ Բրովդին չի նշել լցանավերի անունները։ Նա գրել է, որ հարվածի պահին նավերը գտնվել են Ազովի ծովում, և հրապարակել է հարձակման տեսանյութը։
Վերջին երեք օրերի ընթացքում Ուկրաինայի զինված ուժերի անօդաչու համակարգերի ուժերը հայտնել են առնվազն 19 լցանավերի, ինչպես նաև մեկ բեռնանավի և լաստանավի վնասման մասին: Ուկրաինական զինվորականների տվյալներով՝ հարձակման ենթարկված նավերը Տագանրոգից վառելիք էին տեղափոխում բռնակցված Ղրիմ, որտեղ բնակիչները ներկայում բենզինի խիստ պակաս ունեն։
ՌԴ Ռոստովի մարզի իշխանությունները, իրենց հերթին, հայտնել են, որ Տագանրոգի ծոցում (գտնվում է Ազովի ծովի հյուսիս-արևելքում) հարված է հասցվել երկու լցանավերի: Պարզ չէ՝ արդյո՞ք դրանք ներառված են Բրովդիի ներկայացրած վիճակագրության մեջ։
Թարգմանությունը՝ Էմմա Չոբանյանի
