21.10.2026 | 23:30
Էրդողանն ու Ալիևը հեռախոսազրույց են ունեցել՝ Բաքվի կողմից Անկարայի նկատմամբ կոշտ քայլերի ֆոնին
«Ալ Ահլիի» մարզական տնօրեն․ «Սպերցյանը բացառիկ մակարդակի խաղացող է»
08.07.2026 | 13:40
Սաուդյան Արաբիայի առաջնության բրոնզե մեդալակիր «Ալ Ահլիի» մարզական տնօրեն Ռուի Պեդրուն անդրադարձել է Հայաստանի ազգային հավաքականի ավագ Էդուարդ Սպերցյանի տրանսֆերին։ 26-ամյա կիսապաշտպանը հուլիսի 7-ին էր ռուսական «Կրասնոդարից» տեղափոխվել սաուդյան ակումբ, որի հետ կնքել է 4 տարվա պայմանագիր։
«Ուրախ ենք Էդուարդ Սպերցյանին ողջունել «Ալ Ահլիում»։ Նա բացառիկ մակարդակի խաղացող է, որն ունի հաջողությունների և նվաճումների ուշագրավ պատմություն։ Մենք վստահ ենք, որ նա կարևոր համալրում կլինի մեր թիմի համար և առանցքային դեր կխաղա առաջիկա մրցաշրջաններում մեր նպատակներին հասնելու հարցում»,- Ռուի Պեդրուի խոսքը մեջբերում է «Ալ Ահլիի» պաշտոնական կայքը։
Ոչ պաշտոնական տվյալներով, Էդուարդ Սպերցյանի տրանսֆերը կազմել է 20-25 միլիոն եվրո։ Ավելի վաղ հայտնի էր դարձել, որ «Ալ Ահլիում» հայ ֆուտբոլիստի տարեկան աշխատավարձը կկազմի 6 միլիոն եվրո` գումարած բոնուսները։
Սպերցյանն արդեն միացել է «Ալ Ահլիին», որն այս օրերին հավաք է անցկացնում Ավստրիայում։
