05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
Հունգարիայի վարչապետը երկրի խորհրդարանին կներկայացնի սահմանադրական փոփոխության նախագիծ՝ նախագահի պաշտոնանկության համար
Քաղաքականություն
04.07.2026 | 17:46
Հունգարիայի վարչապետ Պետեր Մագյարը հայտարարել է, որ երկրի խորհրդարանին կներկայացնի 17-րդ սահմանադրական փոփոխության նախագիծը, որը նախատեսում է Հունգարիայի նախագահ Տամաշ Շույոկի պաշտոնանկություն և խորհրդարանի անդամների համար ժամկետի սահմանափակում մինչև 12 տարի:
«Արմենպրես»-ի հաղորդմամբ՝ այս մասին Հունգարիայի վարչապետը գրել է «Ֆեյսբուք»-ի իր էջում:
«Այսօր կառավարության անունից ես խորհրդարանին կներկայացնեմ 17-րդ սահմանադրական փոփոխությունը»,-գրել է Մագյարը:
Հունիսի վերջին Հունգարիայի կառավարությունը հարցում է սկսել՝ խնդրելով քաղաքացիներին նամակ ուղարկել կառավարության էլեկտրոնային հասցեին և արտահայտել իրենց կարծիքը 17-րդ սահմանադրական փոփոխության վերաբերյալ:
Փոփոխությամբ իշխող «Տիսա» կուսակցությունն առաջարկում է պաշտոնանկ անել նախագահ Տամաշ Շույոկին, սահմանափակել խորհրդարանական լիազորությունների ժամկետը մինչև 12 տարի, ուժեղացնել կոռուպցիայի դեմ պայքարի միջոցառումները և բարձրացնել դատական անկախությունը:
Հարցման պաշտոնական արդյունքները չեն հրապարակվել, սակայն դրա ավարտից կարճ ժամանակ առաջ Մագյարը հայտարարել է, որ քվեարկած 10,000 մարդկանց 95%-ը կողմ է արտահայտվել խորհրդարանական պատգամավորների ժամկետի սահմանափակմանը:
