06.09.2026 | 20:00
«Շատ մեծ ուրախություն էր, երբ իմացանք, որ խաղալու ենք «Միլանի» դեմ»․ Գևորգ Ղազարյան․ ՏԵՍԱՆՅՈւԹ
Ուժեղ քամին վնասներ է հասցրել Երևանում և Ծովակում․ փրկարարները շուրջօրյա աշխատանքներ են իրականացրել
04.07.2026 | 11:06
Հուլիսի 3-ի երեկոյան ուժեղ քամու հետևանքով Երևանում և Գեղարքունիքի մարզի Ծովակ գյուղում վնասվել են շինությունների տանիքներ, տապալվել ծառեր, թեքվել էլեկտրասյուներ և փակվել ճանապարհներ։ Փրկարար ծառայության ստորաբաժանումներն օպերատիվ արձագանքել են ահազանգերին՝ իրականացնելով հետևանքների վերացման աշխատանքներ։
«Հուլիսի 3-ին՝ ժամը 21:53-ից, ՆԳՆ 112 օպերատիվ կառավարման կենտրոնում ստացվել են ահազանգեր ուժեղ քամիների վերաբերյալ, մասնավորապես՝ Երևան քաղաքում և Գեղարքունիքի մարզի Ծովակ գյուղում։
Քամու հետևանքով վնասվել են շինությունների կառուցատարրեր, թուլացել տանիքի թիթեղներ, տապալվել ծառեր, թեքվել էլեկտրական սյուներ, պոկվել էլեկտրալարեր, փակվել ճանապարհներ։
Փրկարար ծառայության համապատասխան ստորաբաժանումներն օպերատիվորեն արձագանքել են բոլոր դեպքերին։
Տեղում իրականացվել են տապալված ծառերի մասնատման, հեռացման, պոկված կառուցատարրերի ապամոնտաժման, տարածքի սահմանազատման և այլ համապատասխան աշխատանքներ»,- ասված է ՆԳՆ ՓԾ-ի տարածած հաղորդագրությունում։
