03.07.2026 | 16:06
Փաշինյանը մասնակցել է Ալի Խամենեիի հրաժեշտի արարողությանը․ ՏԵՍԱՆՅՈՒԹ
Ալեն Սիմոնյանի վերջին խոսքը ԱԺ-ում․ ՏԵՍԱՆՅՈՒԹ
03.07.2026 | 14:07
Դե ինչ, պատմություն կերտեցինք միասին, և ես անկեղծ շատ հպարտ եմ: Այս մասին ԱԺ-ում հայտարարեց ԱԺ նախագահ Ալեն Սիմոնյանը։
«Հպարտ եմ, որ միասին աշխատել ենք, հպարտ եմ, որ այդ ծանր բաների միջով միասին ենք անցել ու կյանքում իրար վրա որևիցե ձևով կասկած չենք ունեցել: Նաև լավ բաների համար եմ հպարտ, որովհետև այն ճամփորդությունները, այն իրադարձությունները, այն բանակցությունները, այն միջազգային հանդիպումները, որոնք որ մենք ենք իրականացրել միասին, իրոք պատմական են:
Ես նույնպես շնորհակալություն եմ հայտնում բոլորիդ, նաև աշխատակազմին, բոլոր բաժիններին շնորհակալություն եմ հայտնում: Եվ պարոն Ռուբինյանին՝ իմ ընկերոջը, հաջողություն եմ մաղթում. թող ինքը լինի երկրորդ Ազգային ժողովի նախագահը, որ ստաբիլ հինգ տարի կունենա Ազգային ժողովում: Եվ եթե աշխատանքի ընթացքում ինչ-որ մեկի նկատմամբ անարդար եմ եղել, թող ներողամիտ լինեն: Դուք գիտեք, որ ես բոլորիդ սիրում եմ, ու ինչքան կարևոր եք բոլորդ իմ համար:
Եվ վերջում՝ կեցցե՛ն նահատակները և կեցցե՛ Հայաստանի Հանրապետությունը»,- նշեց նա։
Հիշեցնենք՝ «Քաղաքացիական պայմանագիր» կուսակցության վարչությունը որոշել է 9-րդ գումարման ԱԺ նախագահի պաշտոնում առաջադրել ոչ թե Սիմոնյանի, այլ Ռուբեն Ռուբինյանի թեկնածությունը։
Մանրամասները՝ տեսանյութում։
