03.07.2026 | 13:43
Ծափահարություններ՝ Ալեն Սիմոնյանին․ Ռուբինյանը ԱԺ ամբիոնից շնորհակալություն հայտնեց
Կիևում ռուսական ավիահարվածի հետևանքով զոհերի թիվը հասել է 30-ի
Քաղաքականություն
03.07.2026 | 10:36
Ուկրաինայի մայրաքաղաք Կիևում հուլիսի 2-ին ռուսական հարվածի հետևանքով ավերված բնակելի շենքի փլատակներից դուրս է բերվել ևս երեք զոհի մարմին։ Այս մասին հայտնել է Արտակարգ իրավիճակների պետական ծառայությունը։
Այսպիսով, ռուսական հարձակման զոհերի թիվը հասել է 30-ի:
Հիշեցնենք, որ հուլիսի 2-ի գիշերը Ռուսաստանը Կիևի վրա զանգվածային հրթիռային և անօդաչու թռչող սարքերի հարված էր հասցրել։
Վնասներ են գրանցվել Ուկրաինայի մայրաքաղաքի բոլոր շրջաններում։ Մասնավորապես, Դեսնյանսկի շրջանում ավերվել է ինը հարկանի բնակելի շենք, իսկ Դարնիցկի շրջանում մասամբ ավերվել են հինգ և ինը հարկանի բնակելի շենքեր։ Ուկրաինայի ներքին գործերի նախարար Իգոր Կլիմենկոյի խոսքով՝ ռուսական հարձակման հետևանքով վնասվել է ավելի քան 20 բնակելի շենք։
Թարգմանությունը՝ Էմմա Չոբանյանի
