05.09.2026 | 10:05
ՊՍԺ-ն նոր պայմանագիր է կնքել Լուիս Էնրիկեի հետ
ՔՊ խմբակցության ղեկավարի թեկնածու է ընտրվել Արուսյակ Մանավազյանը. Նիկոլ Փաշինյան. ՏԵՍԱՆՅՈՒԹ
Քաղաքականություն
02.07.2026 | 20:24
Վարչապետ Նիկոլ Փաշինյանը հայտնեց, որ «Քաղաքացիական պայմանագիր» վարչության փակ գաղտնի քվեարկության արդյունքում խմբակցության ղեկավար է ընտրվել Արուսյակ Մանավազյանը։
Մեր հարցին` արդյոք մյուս թեկնածուն` Արթուր Հովհաննիսյանը, նեղացած հեռացավ թիմից, Փաշինյանը կարճ պատասխանեց. «Ոչ»:
Նիկոլ Փաշինյանը հերքեց այն խոսակցությունները, թե թեկնածուների ընտրության վրա ազդեցություն է ունեցել իր դիրքորոշումը։
«Բացառված է, ես որևէ թեկնածության վերաբերյալ որևէ կարծիք որևէ տեղ չեմ հայտնել, քննարկումներին էլ չեմ մասնակցել, լսողի դերում եմ եղել: Ո´չ անձնական, ո´չ կոնֆիդենցիալ, ո´չ քննարկման ընթացքում որևէ թեկնածուի վերաբերյալ որևէ կարծիք չեմ հայտնել»,- ասաց վարչապետը:
Հարցին, թե գո՞հ է արդյոք ձևավորված ղեկավար կազմից, Փաշինյանը պատասխանեց, որ բոլոր ընտրվածները իր քաղաքական թիմակիցներն են և պայքարի ընկերները։
Անդրադառնալով Ազգային ժողովի գործող նախագահի՝ մանդատը վայր դնելու մասին հայտարարությանը՝ վարչապետն ասաց, որ այդ իրավիճակն իր համար նոր է, և դեռ պատկերացում չունի, թե հետագայում ինչ գործունեությամբ կարող է զբաղվել նա։
«Եթե ես հիմա առաջարկ ունենայի, կնշանակեր, որ նախապես պատրաստվել եմ, պլանավորել եմ, դասավորել եմ»,- նշեց Փաշինյանը:
Մանրամասները` տեսանյութում:
