05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
Նիժնի Նովգորոդին ուկրաինական ԱԹՍ-ների հարվածի հետևանքով հրդեհվել է «Լուկօյլի» նավթավերամշակման գործարանը
Քաղաքականություն
02.07.2026 | 11:37
ՌԴ Նիժնի Նովգորոդում ուկրաինական անօդաչու թռչող սարքի հարձակման հետևանքով մեկ մարդ է զոհվել, հայտնել է շրջանի ղեկավար Գլեբ Նիկիտինը։ 4 մարդ վիրավորվել է, որոնցից մեկը հոսպիտալացվել է, գրում է Meduza-ն։
Նիկիտինի խոսքով՝ ՀՕՊ ուժերը գիշերը ոչնչացրել են 30 անօդաչու թռչող սարք։ Նա նշել է, որ բեկորների անկման հետևանքով «ոչ կրիտիկական վնաս» է հասցվել մեկ արդյունաբերական օբյեկտի և մի քանի բնակելի շենքերի։
Ուկրաինական տելեգրամ ալիքները հաղորդում են, որ հարձակման հետևանքով վնաս է հասցվել Նիժնի Նովգորոդի մոտակայքում գտնվող «Լուկօյլի» նավթավերամշակման գործարանին, հրդեհի կադրեր են հրապարակվում։
«Լուկօյլի» կայքում նշվում է, որ Կստովոյի նավթավերամշակման գործարանը Ռուսաստանի Դաշնության խոշորագույն բենզին արտադրող նավթավերամշակման ձեռնարկություններից է, որն արտադրում է ավելի քան 50 տեսակի առևտրային նավթամթերք։
Ուկրաինայի զինված ուժերի գլխավոր շտաբը հաստատել է Կստովոյի «Լուկօյլ» նավթավերամշակման գործարանի վրա անօդաչու թռչող սարքի հարվածը: Նախնական տվյալներով՝ հարված է հասցվել АВТ-6 նավթի վերամշակման կայանին։
Թարգմանությունը՝ Էմմա Չոբանյանի
