02.07.2026 | 02:50
ԱԱ-2026. Բելգիան կամային հաղթանակ տարավ 0:2-ից հետո. ՏԵՍԱՆՅՈՒԹ
ՍԴ որոշումը լինի կտեսնենք՝ ում փաստարկներն էին ճիշտ, ումը՝ սխալ. Հովակիմյանը հարցերին չպատասխանեց․ ՏԵՍԱՆՅՈՒԹ
Քաղաքականություն
01.07.2026 | 18:28
Սահմանադրական դատարանի՝ քննության ավարտ հայտարարելուց և խորհրդակցական սենյակ գնալուց հետո միջանցքում ԿԸՀ նախագահ Վահագն Հովակիմյանը չցանկացավ պատասխանել լրագրողների հարցերին․«ՍԴ որոշումը լինի կտեսնենք՝ ում փաստարկներն էին ճիշտ, ումը՝ սխալ»։
Այնուամենայնիվ, մի քանի բառով նա պարզաբանումներ ներկայացրեց Կենտրոնական ընտրական հանձնաժողովի կողմից երեք ընտրական տեղամասերի արդյունքները չեղարկելու և վերաքվեարկություն չնշանակելու մասով հարցին։
«Այդ երեք տեղամասերում որևէ քաղաքական ուժ որևէ ձայն չի ստացել, քանի որ ըստ Ընտրական օրենսգրքի՝ զրո է։ Այո՛, ըստ Ընտրական օրենսգրքի՝ զրո է, որովհետև այն խախտումները, որ արձանագրվել են, Ընտրական օրենսգիրքը ասում է, որ նման դեպքերում այդ տեղամասում միակ թիվը անճշտությունների թիվն է, որը հավասար է մասնակցության թվին։ Այսինքն՝ որևէ մեկը չի կարող ասել, որ այդ տեղամասում որ քաղաքական ուժը որքան ձայն է ստացել։ Հենց սա է Ընտրական օրենսգրքի պահանջը։ Սա իմ ասածը չէ, սա Ընտրական օրենսգրքով է արձանագրված»,- նշեց Հովակիմյանը։
Հովակիմյանը նաև հերքեց այն պնդումները, թե այդ տեղամասերի ձայները կարող էին օգնել «Բարգավաճ Հայաստան» կուսակցությանը հաղթահարել 4 տոկոսանոց շեմը։
Նա հրաժարվեց լրացուցիչ մեկնաբանություններից՝ նշելով, որ ԿԸՀ-ն իր հիմնավորումները ներկայացրել է դատարանում, և վերջնական գնահատականը կտա Սահմանադրական դատարանը իր որոշմամբ։
Մանրամասները՝ տեսանյութում։
